Kandinsky
Pintura ertz zuriarekin (Bild mit weißem Rand), 1913ko maiatza
Konposizioa 8 (Komposition 8), 1923ko uztaila
Iruzkinak
Erdigune zuria (Bely tsentr; Weißes Zentrum), 1921
- Izenburua:
- Erdigune zuria (Bely tsentr; Weißes Zentrum), 1921
- Erakusketa:
- Kandinsky
- Gaiak:
- Artea eta politika | Eragin artistikoa | Ibilbide artistikoa | Sorkuntza artistikoa | Espazioa | Geometria | Kolorea | Lerroa | Mugimendua | Bauhaus Eskola | Moskuko Kultura Artistikoko Institutua (Inkhuk) | Lehen Mundu Gerra | Errusiako Iraultza | Errusia | Alemania | Hilla Rebay | Walter Gropius | Nina Kandinsky
- Mugimendu artistikoak:
- Arte Abstraktua | Arte Garaikidea | Konstruktibismoa
- Artelan motak:
- Pintura (olio-pintura)
- Aipatutako artistak:
- Kandinsky, Vasily
Olio-pintura mihise gainean, 118,7 x 136,5 cm
Solomon R. Guggenheim Museum, New York, The Hilla Rebay Collection, 71.1936.R98
1914an Lehen Mundu Gerra hasi zenean, Kandinskyk Alemania utzi, eta Errusiara itzuli behar izan zuen. 1917an, Errusiako Iraultza bor-bor zegoela, Nina Andreevskaya-rekin ezkondu zen, tsarraren armadako jeneral defuntu baten alabarekin. Iraultzaren ondoren, Estatuak Kandinskyren etxebizitza-eraikina bahitu zuen eta margolaria mantenurik gabe geratu zen, beraz, museo-zuzendari eta hezitzaile bezala hasi zen bizimodua ateratzeko lanetan, sobietar estatuak kudeatutako zenbait erakundetan. Urte horietan, Kandinskyk oso gutxi margotu zuen; aldi horretan, konstruktibismoaren abangoardia-mugimenduak berezko zituen lerro zuzenen, angeluen eta geometriaren eragina jaso zuen.
Erdigune zuria honetan, lerro beltz paraleloen segidak koadroaren beheko ezker aldearen eta erdigune zuriaren artean mugimendua sortzen duen triangelu bat eratzen du. Erdigune horretarantz grabitatuz doaz konposizio abstraktuaren beste elementu batzuk ere, hainbat norabidetatik abiatuta. Goiko ezker aldetik daga beltz bat erdiko puntu baterantz jaisten da, goiko eskuin aldean sortutako parabola urdinaren fokua ere badena. Hegodun bost forma beltz, laranja koloreko puntuz hornituak, goitik eta behetik flotatzen doaz, helmuga berera bidean. Koloretako plano zeharrargi gainjarriak erabilita, artistak anbiguotasuna eman zien forma geometrikoen arteko espazio-erlazioei.
Sobietar Batasunean egon zen bitartean, Kandinskyk kargu garrantzitsuak izan zituen Herri Kulturaren Bulegoan eta Moskuko Akademian, eta Moskuko Kultura Artistikoko Institutuaren eta Kultura Piktorikoko Museoaren sorreran parte hartu zuen, baina sekula ez zuen sobietar gobernuak eta artista konstruktibistek sustatutako estetika utilitaristarekin guztiz bat egin. 1921ean, Walter Gropius arkitektoaren gonbidapena onartu zuen Bauhaus arte-eskola entzutetsuan irakasle aritzeko. Hala, Alemaniara joan ziren emaztea eta biak.