Gego. Infinitua neurtzen
Esfera (Sphere), 1959
Litografia tolestua (Litografía plegada), 1966
Iruzkinak
Oihana (Selva), 1964
- Izenburua:
- Oihana (Selva), 1964
- Erakusketa:
- Gego. Infinitua neurtzen
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Forma | Geometria | Kolorea | Konposizioa | Lerroa | Natura | Teknika eta materialak
- Mugimendu artistikoak:
- Abstrakzio Geometrikoa
- Artelan motak:
- Eskultura
- Aipatutako artistak:
- Gego,
Oihana izeneko lanean, lerroak, formak eta koloreak erabili zituen Gegok, eta, irudikapen geometriko abstraktuaren bidez, landaretzaren dentsitatea eta oparotasuna iradoki zituen. Pieza burdina margotuz egina da. Haren egitura panel indibidualez osatuta dago eta hainbat norabidetan zabaltzen da kolore desberdinekin; hala, sare korapilatsu eta konplexua sortzen du.
Moduluetan oinarrituriko konfigurazioak eta testura bisualak arakatzeko artistak erabiltzen zuen ikuspegi bereizgarriari jarraituz, lerroak eta formak ageri dira elkarri loturik eta gainjarririk, eta horrek sakontasun- eta konplexutasun-sentsazioa eragiten du. Gainera, panel geometrikoetako bakoitza tokiz aldatu daiteke askotariko konfigurazioak eratzeko. Kasu zehatz honetan, beltzetik zurirantz eta zuritik beltzerantz igarotzen den kolore-gradiente bat osatzen dute. Konposizioetan elementu abstraktuak eta naturalak fusionatuz, Gegok naturaren bizitasuna eta energia transmititzea lortzen du, eta esperientzia bisual iradokitzailea sortzen du lengoaia abstraktu eta poetikoa baliatuz.