Gego. Infinitua neurtzen
Titulurik gabea, 1955
Iruzkinak
Sarrera
- Izenburua:
- Sarrera
- Erakusketa:
- Gego. Infinitua neurtzen
- Gaiak:
- Artearen historia | Artistak | Eragin artistikoa | Ibilbide artistikoa | Sorkuntza artistikoa | Forma | Geometria | Lerroa | Erakusketak | Nazismoa | Alemania | Venezuela
- Mugimendu artistikoak:
- Abstrakzio Geometrikoa | Arte Zinetikoa
- Aipatutako artistak:
- Gego,
Ongi etorri Gego. Infinitua neurtzen erakusketara. Atzerabegirako honek Gegoren lanaren goitik beherako ikuspegia eskaintzen du, eta artistak abstrakzioaren lengoaiari buruz zuen ikuspegi berezia jartzen du agerian.Gertrud Goldschmidt, Gego izengoitiarekin ezaguna, Hanburgon jaio zen 1912an, familia judu aberats batean, eta 1939an Venezuelara emigratu zuen, nazien jazarpenetik ihesi. Gego Latinoamerikan XX. mendearen bigarren zatian izan den artistarik garrantzitsuenetako bat da. Arkitektura eta Ingeniaritza ikasi zituen Technische Hochschule Stuttgart goi-eskolan —gaur egun, Stuttgarteko Unibertsitatea denean, alegia—. Hori horrela, lerroaren, espazioaren eta bolumenaren arteko harremanak aztertu zituen, eta ideia erradikalak planteatu zituen egitura-sistemei, forma organikoei eta horiek lerroarekin duten harremanari buruzko ikerketa sakonen bidez. Erakusketa honetan, Gegok arte moderno eta garaikideari eginiko ekarpen formal eta kontzeptual baliotsuak daude ikusgai, eta nazioarteko mugimendu artistiko garrantzitsuekin izan zuen lotura nabarmentzen da, hala nola abstrakzio geometrikoarekin eta arte zinetikoarekin izanikoa. Gego. Infinitua neurtzen erakusketa 150 pieza inguruz osaturik dago —horien artean, eskulturak, marrazkiak, grabatuak, ehunak eta dokumentuak—, eta artistak lau hamarkadatan eginiko lana arakatzen du, hasi 1953tik eta 1991raino.