Gego. Infinitua neurtzen
Ehundura 90/51 (Tejedura 90/51), 1990
Iruzkinak
Zomorroa 87/10 (Bicho 87/10), 1987
- Izenburua:
- Zomorroa 87/10 (Bicho 87/10), 1987
- Erakusketa:
- Gego. Infinitua neurtzen
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Kolorea | Konposizioa | Lan-prozesua | Lerroa | Tamaina | Teknika eta materialak
- Mugimendu artistikoak:
- Abstrakzio Geometrikoa
- Artelan motak:
- Eskultura
- Aipatutako artistak:
- Gego,
Hemen ondoan diren Ehundurak bezalaxe, bi sailok formatu txikiko piezaz osatuak dira, eta sentiberatasun are intimoagoa eta pertsonalagoa islatzen dute. Zomorroak saileko obrek geometriaren, formaren eta lauki-sarearen kolapsoa eta erabateko deformazioa adierazten dute, hau da, ordura arte Gegoren lanetan ezaugarri iraunkor eta nabarmenak izandako elementuen kolapsoa eta erabateko deformazioa. Forma finkoek ezartzen dituzten mugetatik askaturik, artistak konfigurazio organikook sortu zituen.
Sailaren jatorrizko tituluan ageri den gaztelaniazko “bicho” hitza (“zomorroa” euskaraz) intsektuak edo animalia txikiak adierazteko erabiltzen bada ere, ezereza den zerbait adierazteko ere balio du. Zomorroak izeneko obrak eraikuntza-sistema prekario batean oinarrituta daude, eta, haiek egiteko, beste obra batzuetatik harturiko piezak eta bere estudioan aurkitutako material berrerabiliak baliatzen zituen Gegok. Kasu honetan, tituluak berak adierazten duen bezala, saileko hamargarren obra da aurrean dugun hau, 1987an egina. Metalezko sare margotu bat da, eta haren erretikula-egitura deformatuta eta eraldatuta ageri da, ensanblaje kaotiko bat balitz bezala. Aurreikusterik ez dagoen itxura du, hamaikatxo forma, kolore eta testurarekin osatua, eta irekiagoa eta arinagoa den egitura irregular bat sortzen du.