Gego. Infinitua neurtzen
Titulurik gabea, 1955
Titulurik gabea, 1964
Iruzkinak
Mugimendu dinamikoa (Movimiento dinámico), 1960
- Izenburua:
- Mugimendu dinamikoa (Movimiento dinámico), 1960
- Erakusketa:
- Gego. Infinitua neurtzen
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Espazioa | Forma | Geometria | Kolorea | Konposizioa | Lerroa | Mugimendua | Venezuela | Teknika eta materialak
- Mugimendu artistikoak:
- Abstrakzio Geometrikoa
- Teknikak:
- Grabatua
- Artelan motak:
- Grabatua
- Aipatutako artistak:
- Gego,
1950eko hamarkadaren amaieran, abstraktuago bilakatu zen Gegoren lana, eta esponentzialki egin zuen gora haren ekoizpenak. Garai hartan, Venezuelan indar handia hartu zuen abstrakzio geometrikoaren nazioarteko mugimendu artistikoak, zeinaren bereizgarri baitira forma garbiak, lerroa, kolorea eta eskema geometrikoen bidezko antolamendua. Joera horrek berrikuntza artistiko handiko aldia ezarri zuen.
Gego maizago hasi zen Venezuelatik Amerikako Estatu Batuetara bidaiatzen, eta, han, Caracasen nekez lor zitzakeen grabatu-tailerretan parte hartu zuen. AEBko Iowa hirian egon zen 1959tik 1960ra bitartean, eta Mauricio Lasansky artista argentinarrarekin ikasi zuen Iowako Unibertsitatean. Gegok aldi hartan sortu zuen akuaforte-sailak ederki erakusten du zer-nolako esplorazio-lana egin zuen gurutzatzen, makurtzen eta gainjartzen diren lerroen inguruan.
1960an sortutako Mugimendu dinamikoa izeneko grabatu honetan, Gegok maisuki baliatu zituen lerroa, forma eta espazioa, eta mugimendu- eta arintasun-sentsazioa transmititzen ditu konposizio abstraktu sotil honek. Gegok grabatuarekiko zuen interesak handitzen jarraitu zuen 1960ko hamarkadan, eta artista askotariko teknikekin hasi zen esperimentatzen AEBko grabatu-tailerretan.