Gego. Infinitua neurtzen
Paperik gabeko marrazkia (Dibujo sin papel), 1985
Zomorroa 87/10 (Bicho 87/10), 1987
Iruzkinak
Ehundura 90/51 (Tejedura 90/51), 1990
- Izenburua:
Ehundura 90/51 (Tejedura 90/51), 1990
- Erakusketa:
- Gego. Infinitua neurtzen
- Gaiak:
- Artistak | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Geometria | Konposizioa | Lan-prozesua | Lerroa | Papera | Teknika eta materialak
- Mugimendu artistikoak:
- Abstrakzio Geometrikoa
- Aipatutako artistak:
- Gego,
1990ean familiari idatzitako gutun batean zioenez, ohean gaixorik egon arren, asko irakurtzen omen zuen, eta paper-zerrendak “ehuntzen” ematen omen zuen denbora.
Ehundurak saileko obrak intimoak dira, ludikoak eta formatu txikikoak; artistaren erreprodukzioetatik hartutako paper-zerrendak, aldizkarietako orriak edo bestelako paperkiak elkarri lotuta sortu zituen. Tituluei dagokienez, Gegoren gainontzeko sail berantiarren ikuspegi sistematiko bertsuari jarraitzen diote. Horrenbestez, pieza honen izenburuak adierazten du saileko berrogeita hamaikagarren obra dela eta artistak 1990ean egin zuela. Gegok kontu handiz ebakitzen zuen papera segmentu luzanga eta uniformetan, eta trebetasunez elkartzen zituen bata bestearekin. Konplexutasun liluragarria darien konposizio korapilatsu eta dinamikoak sortzen zituen horrela.
Kasu honetan, artistak moda-aldizkari bateko orrialde bat erabili zuen oinarri moduan; jantzitako bi emakume ageri dira bertan, posatzen. Konposizioa zeharkatzen duten paper-zerrenda gurutzatuek, baina, eten egiten dute bi figura horien irudikapena. Interakzio horrek bereziki deigarriak zaizkigun patroi eta diseinu bakanez osatutako geometria sortzen du.