Gego. Infinitua neurtzen
Zazpi ikosidodekaedro (Siete icosidodecaedros), 1977
Paperik gabeko marrazkia 76/4 (Dibujo sin papel 76/4), 1976
Iruzkinak
Titulurik gabea, ca. 1987
- Izenburua:
- Titulurik gabea, ca. 1987
- Erakusketa:
- Gego. Infinitua neurtzen
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Kolorea | Konposizioa | Lan-prozesua | Ehungintza | Teknika eta materialak
- Mugimendu artistikoak:
- Abstrakzio Geometrikoa
- Artelan motak:
- Tapiza
- Aipatutako artistak:
- Gego,
Gegok 1987 inguruan sortu zuen titulurik gabeko ehun eseki hau, eta argi eta garbi erakusten du artistak ehun-teknikekiko zuen lilura: krema koloreko tapiz bertikal bat da, hari- eta soka-nahasketa batekin egina, eta haren egitura ehundua uniformea da. Arretaz begiratuta, ikus daiteke soka ezker-eskuin eta eskuin-ezker gurutzatzen dela, eta bertikalean jaisten dela konposizioan zehar. Gurutzadura-prozesu hori ehundutako oihalaren ertzetatik harago hedatzen da, eta beste ilara bat eratzen du aurrekoaren azpian, harik eta azkenean tapizaren oinarrira iritsi arte.
Tapizaren ertzak ahur xamarrak dira, elkarturiko soka bakoitzaren bolumen eta tamaina ezberdinen eraginez. Elkarren gainean jarritako soka-zatiak ezkutatuta geratzen dira hainbat tartetan gurutzatutako oihal- eta hari-zatien azpian, eta atzeko horma sumatzeko adina espazio negatibo uzten dute. Hala, tarte zeharrargiak sortzen dira. Soka modu zakarrean amaitzen eta ehundutako oihal-segmentuak hasten diren tokietan, hariak kaotiko eta eragabe ageri dira. Alabaina, leial eusten diote beren funtzioari, altuera desberdineko objektuen arteko amarauna balira bezala.
Ehuntze-teknika tradizionalen bidez, oihal eseki honek gainditu egiten du bidimentsionaltasuna, eta ezaugarri eskultorikoak lortzen ditu.