Martha Jungwirth
Titulurik gabea, Francisco de Goya, Sorginen hegaldia sailekoa, 2022
Iruzkinak
Titulurik gabea, Francisco de Goya, Txakurra sailekoa, 2022
- Izenburua:
- Titulurik gabea, Francisco de Goya, Txakurra sailekoa, 2022
- Erakusketa:
- Martha Jungwirth
- Gaiak:
- Heriotza | Eragin artistikoa | Ibilbide artistikoa | Sorkuntza artistikoa | Espazioa | Kolorea | Konposizioa | Lan-prozesua | Sinbologia | Animaliak artean | Austria | Espainia | Francisco de Goya
- Mugimendu artistikoak:
- Arte Garaikidea
- Teknikak:
- Olio-pintura
- Artelan motak:
- Pintura (olio-pintura)
- Aipatutako artistak:
- Jungwirth, Martha
Margolan honen behealdean txakur baten irudi abstraktua ageri da, espazio huts handi baten aurrean geldi-geldi. Jungwirthek Francisco de Goyaren Txakurra —edo Txakurra itotzear— lan enigmatikoa gogora ekarrita ekin zion koadro hau egiteari. Goyaren lan hura heriotzaren saihetsezintasunarekin lotu izan da sarritan. Goyaren txakurrak, belarri leunak zintzilik eta aurpegiera itxaropentsuz, konposizioaz haratago begiratzen du: koadroko elementu figuratibo bakarra da. Maisuak dagoeneko agure zela margotu zuen pieza hura, Madril kanpoaldeko La Quinta del Sordon isolaturik bizi zenean. Etxe hartako hormetan pintatu zituen horma-irudi ilunetako bat da, hain zuzen, Txakurra itotzear. Goya hil ondoren, mihisera transferitu zituzten lan haiek, eta Madrilgo Prado Museoko bilduman sartu zituzten.
Jungwirthen koadroa 2022an sortutako sail baten parte da, COVID-19aren pandemiak ekarri zituen konfinamendu-aldi luzeetan pairatu zuen bakardadearen eraginpean egina.
Jungwirthek, bere aurretik beste askok eta askok egin izan duten bezala —hala nola Pablo Picassok, Salvador Dalík, Mark Rothkok edo Arnulf Rainer margolari austriarrak—, paradigma artistikotzat jotzen du Goya: inspirazio-iturri ditu haren ikuspegi pertsonala, aurrez ezarritako ideiak zalantzan jartzeko joera, antzinakoaren eta modernoaren arteko borroka eta lanerako bide berrien bilaketa etengabea.