Calder. Grabitatea eta grazia
Gong hirukoitza, 1948 inguru
Lirio gorrien zidorrak, 1956
Iruzkinak
Elur-erauntsia, 1948
- Izenburua:
- Elur-erauntsia, 1948
- Erakusketa:
- Calder. Grabitatea eta grazia
- Gaiak:
- Artea eta espazioa | Eragin artistikoa | Sorkuntza artistikoa | Geometria | Mugimendua | Oreka | Ingurunea eta natura
- Mugimendu artistikoak:
- Arte Abstraktua
- Artelan motak:
- Eskultura
- Aipatutako artistak:
- Calder, Alexander
Lan honek Elur-erauntsia izen soila du. Hala ere, Calder-en beste lan asko bezala, naturari eta kosmosari emandako erantzun abstraktua da. Calderrek hau esan zuen:
“Esferak eta diskoak erabili ditudanean, direna baino gehiago adieraz dezaten saiatu naiz. Lurra gutxi gorabehera esfera bat da, baina kilometro batzuetako gas-geruza ere badu gainetik, eta ilargia inguruan zirkuluak egiten, eta eguzkia orobat esfera bat da (baina bero handiaren iturria ere bai, eta bero horren eragina oso urrutiraino sentitzen da). Zurezko bola bat edo metalezko disko bat objektu indargabe samarra da, ez du zerbait dariolako zentzu hori”.
Habe-hegalkin nahaspilatuen eraikuntza mekaniko batean elementu txikiak erabiliz, pieza honek oreka-harreman finak ezartzen ditu. Haize leunean mugitzen diren, biraka dabiltzan eta airez doazen forma zuriei begiratzen badiezu, eta adierazten duen arintasun eta fintasun zentzua nabari baduzu, ikusiko duzu mobile honen irudirako iturri bat elur-maluten erauntsi birakari bat izan zela. Pieza hau egin zuen urte berean, 1948an, Calderren lanaren film berritzaile bat egiteari ekin zioten. Naturaren eta abstrakzioaren arteko harreman soltea, Calderren eskulturetan funtsezkoa dena, arrakastaz adierazi zuten filmean, Calderren piezen erritmoak eta naturaren erritmoak alderatuz. Konparazio batera, hondartzaren kontra hausten diren olatuak, hodeien mugimenduak, balantzaka dabiltzan adarrak, eta jira‑biraka doazen hostoak. John Cage‑k bereziki konposatutako musikak laguntzen dio filmari. Calderrek honen antzeko beste hainbat pieza egin zuen 1940ko hamarkadan, era berean elur-ekaitzaren ideiak inspiratuta.