Calder. Grabitatea eta grazia
Croisière, 1931
Zilindroek zulatutako esfera, 1939
Iruzkinak
Orekarien soka, 1936
- Izenburua:
- Orekarien soka, 1936
- Erakusketa:
- Calder. Grabitatea eta grazia
- Gaiak:
- Sorkuntza artistikoa | Materiala | Mugimendua | Oreka | Tamaina | Paris
- Artelan motak:
- Eskultura | Performance
- Aipatutako artistak:
- Calder, Alexander
Pieza hau 1936an egin zuen Calder-ek, eta Orekarien soka izena du. Bere beste mobile geldietako eta stabileetako printzipioetariko batzuk konbinatzen ditu. Orekariek euren oreka-lanak egiteko erabiltzen duten soka bat ikus dezakezu, ebanozko bi figuraren artean luzatua. Imajinek zirkuko orekariei ere eragiten dieten grabitatearen propietateak esploratzen dituzte. Alanbre luzeak oreka eratzen du orekarien sokaren gainean, euren behin‑behineko oreka berunezko pisu zintzilikatuek baino ziurtatzen ez dutela.
Eskultura hau Calderren miniaturazko Zirkuarekin erlazionatua dago. 1926an Parisen hasita, Calderrek antzezpenak eskaini zizkien, etxean eginak zituen zirkuko figura eramangarriak erabiliz, adiskideei, ikusleei eta artearen abangoardiako kideei. Alanbrezko eta zurezko figura txikiak ziren bere antzezlariak. Baziren akrobatak, dantzariak eta orekariak. Haien balentriak Calderrek berak manipulatzen zituen, aldi berean antzezpeneko artista eta ingeniaria izanik. Pieza hau doitasunezko orekarekin berarekin dago erlazionatua; gai garrantzitsua, Calderren eskultura askotan. Calderrek interesa zuen elementuen arteko orekan, figura horien mekanikan, eta figura horiek mugiarazteko erabil daitezkeen moduetan. Mugimenduari buruzko interes hori, gero, bere mobileetara eta mobile geldietara eraman zuen.