Calder. Grabitatea eta grazia
Elur-erauntsia, 1948
"Y"a, 1960
Iruzkinak
Lirio gorrien zidorrak, 1956
- Izenburua:
- Lirio gorrien zidorrak, 1956
- Erakusketa:
- Calder. Grabitatea eta grazia
- Gaiak:
- Artea eta espazioa | Sorkuntza artistikoa | Kolorea | Mugimendua | Tamaina
- Artelan motak:
- Eskultura
- Aipatutako artistak:
- Calder, Alexander
Calder-en eta Frank Lloyd Wright arkitektoak New Yorkeko Guggenheim Museoko errotondan jarri beharreko lan handi baten garapenari buruz izandako harremanetik sortu zen mobile handi hau. Lirio gorrien zidorrak izena du, eta 1956koa da. Artistak ikusizko presentzia ezartzeko kolore bizia nola erabiltzen zuen erakusten digun adibide txundigarria dugu.
Eskultura nabarmenki dinamikoa da. Dituen forma ia zirkularrek dantzaren moduko jarraibide erritmikoak, helizearen erakoak egiten ditu. Calderrek argibide interesgarria eman zuen halako lanei buruz: hark azaldu zuenez, mugitzen ari den mobile batek, bere hitzetan, “lorratz ikusezina” uzten du atzetik. Haga zuzen bakoitzaren muturrean dauden forma indibidualek eratutako diseinuei erreparatzen badiezu, ikusiko duzu, elkarrekin, handiagoak diren mugimendu‑arku oso segailen barruko faseen sekuentzia markatzen dutela, itxura batean.
Jean‑Paul Sartre filosofoak Calderren lana miresten zuen, eta haren mobileei buruz esan zuen, beti aldatzen ari zirenez, ez zuela zentzurik pasadizoan begiratu bizkor bat besterik ez emateak; haien edertasuna estimatzeko, haiekin bizi beharko zenukeen. Calderren lanak, batzuetan txikiak eta barne‑barnekoak izanik, beste batzuetan monumentalak dira, honako hau bezalaxe. Ondo funtzionatzen dute eguneroko espazio irekietan, eta mundu osoko eraikin publikoetan, plazetan eta kaleetan daude.