Calder. Grabitatea eta grazia
Orekarien soka, 1936
Orban beltza cardan giltzaduretan, 1942
Iruzkinak
Zilindroek zulatutako esfera, 1939
- Izenburua:
- Zilindroek zulatutako esfera, 1939
- Erakusketa:
- Calder. Grabitatea eta grazia
- Gaiak:
- Artea eta espazioa | Artea eta pertzepzioa | Sorkuntza artistikoa | Geometria | Kolorea | Materiala | Mugimendua
- Artelan motak:
- Eskultura
- Aipatutako artistak:
- Calder, Alexander
Zilindroek zulatutako esfera izeneko pieza hau 1939an egin zuen Calder-ek. Kolore primarioekin, batez ere gorriarekin, margotutako burdin hariz eta altzairuzko hagez dago egina. Calderren ustez, gorria da hiru kolore primarioetan indartsuena, beltzetik eta zuritik datorrelako, horiek baitziren kolore nabarmenenak artistaren lanean. Erakusketa honetako lan guztien artetik, batek ere ez du kolore sekundariorik: ez berderik, ez laranjarik, ez purpurarik… Hori esanguratsua da; Calderrek uste zuen halako koloreek lan baten eragina iluntzen eta nahasten dutela.
Bere lanetariko asko bezala, unibertsoaren moduko sistemetan batek ikusten dituen parteen harremanari buruzkoa da, eta harreman horren bidez eragin dinamikoa lortzeko bideak esploratzen ditu. Eskulturaren gaineko aldean, ikusiko duzu alanbrearekin eta altzairuzko haga okertuarekin egindako bi zirkulu daudela, eta zirkulu horiek elkar ebakitzen dutela. Calderrek bere artearen azalpen bat argitaratu zuen 1951n. Han zioenez, elkar ebakitzen duten alanbrezko halako bi zirkulu erabiltzen zituenean, hura esfera zela beretzat. Interesatuta zegoen eraikuntza mota horrek fisikoki presente ez dauden baina hala ere nabari edo senti daitezkeen forma solidoen efektua nola sor dezakeen.