Cai Guo-Qiang: Sinetsi nahi dut
Fetoaren mugimendua II: estralurtarrentzako proiektua, 9.zk., 1991
Historia-oinatzak lanerako marrazkia, 2008
Iruzkinak
Dokumentu-bideoa, 1. zk.: estralurtarrentzako proiektuak. Leherketa-proiektuak, hainbat data
- Izenburua:
- Dokumentu-bideoa, 1. zk.: estralurtarrentzako proiektuak. Leherketa-proiektuak, hainbat data
- Erakusketa:
- Cai Guo-Qiang: Sinetsi nahi dut
- Gaiak:
- Artea eta denbora | Artea eta espazioa | Artea eta historia | Artea eta politika | Sorkuntza artistikoa | Argia | Materiala | Sinbologia | Espiritualtasuna | Suntsipena
- Artelan motak:
- Bideoa | Kokapen zehatzerako artea
- Aipatutako artistak:
- Cai, Guo-Qiang
Cai Guo-Qiang haren leherketa-proiektuengatik bereziki da famatua. Bolbora nola erabiltzen duen azaldu du, 1980ko hamarkadaren erditik lantzen hasi duen baliabidea:
Espontaneoa, ezustekoa eta kontrolaezina den baliabidea da bolbora. Zenbat eta hobeto kontrolatzen jakin, orduan eta gehiago obsesionatzen zara material honekin. Kezkatzen nauten gai guztiak azter ditzaket bolboraren bitartez: espiritualtasunaren nozioekiko erlazioa, ikuskizunek eta aisialdiko gaiek eragiten didaten jakin-mina, eta indar jakin batzuk —leherketa bortitzak adibidez— eder eta poetiko bihurtzen diren modua. Azken batean alkimistaren irudia dut buruan, lohia eta hautsa erabili eta urrea lortzen duen horrena. Bolboran, haren funts-funtsean, unibertsoak duen ahalmena, gure sorburua, ikus dezakegu hein handi batean. Ideia bikain horiek guztiak adierazi ditzakegu.
Ikusteko zauden dokumentalek Cairen leherketa-proiektu garrantzitsuenetako batzuk erakusten dituzte, bereziki Estralurtarrentzako proiektuak, horiekin hasi baitzen aire zabaleko leherketa-proiektuetan bolbora nola erabil zitekeen aztertzen. Mundu osoko hainbat hiritan eta paisaiatan sortutako obra iragankorrak dira, leku zehatzetarako asmatutakoak.
Hemen aurkezten diren leherketa-proiektu ugari une batez baino ez dira gauzatzen. Sarritan, elkarrizketa bat sortzen dute zama historiko edo politiko handia duten lekuekin, adibidez Harresi Handiarekin eta Hiroshimarekin. Leherketa-proiektu hauen bitartez artistak beste ikuspegi bat hartzen du, giza jarduerak goitik begiratzen ditu. Adierazgarria da obra hauek ilunabarrean eginak izatea: energia kanporatzeko argiaren abiadura erabilitzen du, iragankortasunaren bidez mezu bat bidalitzeko. Espazioaren eta denboraren bidez betikotasunaren bila dabil artista.