Azteken Inperioa
Mexikoko ingurune naturala
Kondairazko kulturak: azteken arbasoak
Atalak
Gizartea: jauregiko bizitza eta eguneroko bizitza
- Izenburua:
- Gizartea: jauregiko bizitza eta eguneroko bizitza
- Erakusketa:
- Azteken Inperioa
- Gaiak:
- Bizitza | Artea eta gizartea | Artea eta historia | Kolonaurreko kulturak | Azteken inperioa | Mexiko
Azteken gizartea ondo bereizitako bi klasek osatzen zuten. Noblezia zen horietako bat, pipiltin izenekoa, eta jende arruntak osatutakoa bestea, hau da, macehualtin-ak. Nobleek ondasunak eta objektu preziatuak pilatu ahal izaten zituzten, batik bat jadea, lumak, larruak eta kotoizko jantzi dotoreak. Jauregietan bizi ziren, poligamoak ziren, funtzionario publikoen zereginak betetzen zituzten, eskulanetatik salbuetsita zeuden eta zerga bidezko ordainketak jasotzen zituzten. Jende arruntak, hau da, herritar gehienak, lan astunetan jarduten zuen, nekazaritzan, eraikuntzan eta zamaketan, besteak beste. Txabola xumeetan bizi ziren, ixtle edo landare zuntzez egindako arropa zakarrez janzten ziren, monogamoak izatera behartuta zeuden eta galarazita zuten ondasunak pilatu eta, are gutxiago, erakustea. Artisauak eta merkatariak nekazaritza lanetatik salbuesten zituen estatuak, baina horren truke tributuak ordaintzera behartuta zeuden produzitzen zituzten edo lurralde urrunetatik ekartzen zituzten objektuekin.