Lygia Clark. Pintura eremu esperimental gisa, 1948-1958
Sarrera
Titulurik gabea, 1951 (Marrazki-saila)
Iruzkinak
Angélica de Rezende piano-jotzailearen erretratua (Retrato da pianista Angélica de Rezende), 1940ko hamarkadaren amaiera
- Izenburua:
- Angélica de Rezende piano-jotzailearen erretratua (Retrato da pianista Angélica de Rezende), 1940ko hamarkadaren amaiera
- Erakusketa:
- Lygia Clark. Pintura eremu esperimental gisa, 1948-1958
- Gaiak:
- Eragin artistikoa | Ibilbide artistikoa | Sorkuntza artistikoa | Erretratua eta autorretratua | Brasil | Belo Horizonte | Rio de Janeiro | Roberto Burle Marx | Zélia Ferreira Salgado | Angélica de Rezende
- Mugimendu artistikoak:
- Arte Figuratiboa
- Artelan motak:
- Pintura
- Aipatutako artistak:
- Clark, Lygia
Pastela kartoi gainean
64x 50 cm
Bilduma pribatua
X.2019.157
Lygia Clark 1920an jaio zen, eta klase ertain altuko familia batean hazi zen Belo Horizonten, Brasilgo hiririk handienetako batean. Eskola katoliko batean ikasi eta gero, 18 urterekin, ezkondu egin zen, eta 25 urte zituenerako jada Rio de Janeiron bizi zen eta hiru haurren ama zen. Marrazkigintzari buruzko interes handia izan zuen beti, eta 30 urte bete baino pixka bat lehenago hasi zen margotzen. Prestakuntza artistiko ofizialik izan ez arren, babesa eskaini zioten lehen mailako bi artista brasildarrekin ikastea lortu zuen, Roberto Burle Marx-ekin eta Zélia Ferreira Salgado-rekin.
Clarken berrogeiko hamarkadako margolanak sorkuntza artistikoan egin zituen lehen urratsen eta tradizio klasiko europarraren arabera hartutako prestakuntzaren isla dira. Familiako kideen, adiskideen eta Rioko eszena artistikoko kontaktuen erretratu ugari margotu zituen Clarkek, Angélica de Rezende pianistarena adibidez, zeinaren erretratua erakusten den hemen. Rezende, Clarken gurasoen adiskide mina, Kontserbatorio Nazionaleko eta Minas Geraisko Prentsaren Elkarte Ofizialeko kide zen. Kolore biziak eta konposizio tradizionala erabiliz, Clarkek oso modu zuzenean islatzen du bere modeloa, zeina pertsona garrantzitsua baita bere janzkeraren dotoreziatik, soinean daramatzan perletatik, orrazkeraren formaltasunetik eta bere begirada tolesgabetik ondorioztatzen denez. Rezendek Belo Horizonteko eta Rio de Janeiroko bizitza kulturalean, artistikoan eta sozialean parte hartu zuen, eta Brasilgo herri-kulturari buruzko hainbat liburu argitaratu zituen.
Clark laster urrundu zen estilo piktoriko tradizional horretatik, eta gerora ospea emango zioten abstrakzioari eta forma artistiko esperimentalei eman zien bide.