Lygia Clark. Pintura eremu esperimental gisa, 1948-1958
Titulurik gabea, 1951 (Marrazki-saila)
Eskailera (Escada), 1951
Iruzkinak
Biolontxelo-jotzailea (O Violoncelista), 1951
- Izenburua:
- Biolontxelo-jotzailea (O Violoncelista), 1951
- Erakusketa:
- Lygia Clark. Pintura eremu esperimental gisa, 1948-1958
- Gaiak:
- Eragin artistikoa | Ibilbide artistikoa | Forma | Kolorea | Lerroa | Paris | Árpád Szenes | Fernand Léger | Isaac Dobrinsky
- Mugimendu artistikoak:
- Abangoardia | Arte Abstraktua | Arte Figuratiboa | Kubismoa
- Artelan motak:
- Pintura
- Aipatutako artistak:
- Clark, Lygia
Olio-pintura mihise gainean
105,5 x 81 x 2,1 cm
Bilduma pribatua
X.2017.23
1950ean, artista profesionala izateko erabakia hartuta, Parisera bidaiatu zuen bere hiru haurrekin, eta han urteak eman zituen pintura ikasten eta bere gaitasun artistikoak garatzen. Garai horretan idatzi zuen bere egunkarian askatasun handia sentitzen zuela bere bizitzan lehen aldiz. Parisen, Clark-ek irmotasunez eskaini zien bere burua pinturari eta marrazkigintzari, gerraosteko mugimendu artistiko europarrak bereganatuz eta haiekin solasean arituz. Babesle brasildarrek lagundu zioten hiriko panorama artistikoarekin harremanetan sartzen. Horri esker, abangoardietako artista garrantzitsuak ezagutzeko aukera izan zuen, hala nola Fernand Léger, Isaac Dobrinsky eta Bigarren Mundu Gerran Rion erbesteratuta bizi izan zen jatorri hungariarreko Árpád Szenes margolaria. Aukera izan zuen, baita ere, egile horien tailerretara joateko.
Clarkek Europako abangoardietan sakontzerakoan jaso zuen eraginik garrantzitsuenetako bat Fernand Légerrena izan zen; haren hizkera kubista eta grafismo irmoa hauteman daitezke Clarken Biolontxelo-jotzailea margolanean. Obra honetan, elementu figuratiboak eta abstraktuak konbinatzen ditu Clarkek musikari baten irudia konposatzeko; alde batetik ikusleari zuzenean aurre egiten diola dirudien arren, bestetik, formaz eta kolorez betetako plano piktoriko batean diluitzen dela dirudi. Lur-koloreen paleta eta formen zedarritze irmoa Clarkek urte batzuk lehenago margotutako lanetatik urrun daude, baina, bestalde, margolanean hautematen da haren marrazkietako eta paper gaineko obretako forma eta lerroen jokoa ere.