Lygia Clark. Pintura eremu esperimental gisa, 1948-1958
Eskailera (Escada), 1951
Konposizioa (Composição), 1953
Iruzkinak
Konposizioa (Composição), 1951
- Izenburua:
- Konposizioa (Composição), 1951
- Erakusketa:
- Lygia Clark. Pintura eremu esperimental gisa, 1948-1958
- Gaiak:
- Artea eta espazioa | Eragin artistikoa | Esperimentazio artistikoa | Sorkuntza artistikoa | Forma | Kolorea | Lerroa
- Mugimendu artistikoak:
- Arte Abstraktua | Kubismoa
- Artelan motak:
- Pintura
- Aipatutako artistak:
- Clark, Lygia
Olio-pintura mihise gainean
105 x 81 cm
Patricia Phelps de Cisneros bilduma
X.2017.17
Hasierako garaiko margolan abstraktuetan, forman, kolorean eta planoan egindako aldaketekin esperimentatu zuen Clarkek, mihisearen mugei desafio eginez eta ikus-eremuarekin jolastuz. 1951ko Konposizioa lanean artistak jarraipena eman zion prozesu horri eragin kubista eta kolore ugari dituen konposizioaren baten bidez, zeinak irudikapenaren eta ikusmintzaira guztiz abstraktuaren arteko mugak ikertzen dituen.
Margolan honetan, gaia zein den jakiteko irudipena daukagu oraindik ere, natura hil motaren bat. Irudi luke erdian asto bat dagoela, mahai baten taula dirudienarekin batera. Ezkerretara, elkarrekin gurutzatutako lerro diagonalak dauzkan hori koloreko obalo handia aulki baten bizkarra izan liteke, eta goian eskuinaldean dagoen marko marroiko karratu urdina, berriz, leihoa edo ispilua. Erdiguneko forma ezin ezagutuzkoak nahiko lau mantentzen dira, baina plano piktorikoaren inguruan begiradaren mugimendu dinamikoa eragiten duten lerro baldarrekin zehaztuta daude. Perspektiba lehen planoaren eta hondoaren artean dabil etengabe, eta espazio positiboaren eta negatiboaren artean. Elkarren alboan eta gainjarrita dauden kolorezko eta tamaina aldakorreko planoen nahasketa horrekin, Clarkek erakusten du lerroek eta ingeradek eremu espazialak definitu ditzaketela eta, aldi berean, uzten dituzten hutsuneak okupatu.