Urte eroak, 1920ko hamarkada
Fernand Léger, Ballet mekanikoa (Ballet mécanique, 1924)
Iruzkinak
Sarrera
- Izenburua:
- Sarrera
- Erakusketa:
- Urte eroak, 1920ko hamarkada
- Gaiak:
- Hirigintza | Artea eta gizartea | Artearen historia | Eragin artistikoa | Sorkuntza artistikoa | Erakusketak | Gizarte-kronika | Industria | Hiria | Berlin | Paris | Zurich | Viena
- Mugimendu artistikoak:
- Bauhaus | Dadaismoa | Objektibotasun Berria
1920ko hamarkadak aurrerabideak eta erreakzioak ekarri zituen. XX. mendean berrikuntzarako grina agerikoa egin zen momentua izan zen hura. Hiriak oso bizkor handiagotu ziren eta hiri-ikuspegi berriak agertu ziren. Gizartean eta familia artean ordura arte erreferentzia ziren bizikidetza ereduak zalantzan jarri eta ukatu ziren, gizarte-talde kaltetuak lekua hartzen hasi ziren politikaren eta kulturaren esparruan. Langileen lanaldietako erreformak aisiaren industriaren hazkundearekin batera etorri ziren. Berrikuntza grinak eragin zuzena izan zuen artean: esperimentazioa diziplina guztietara hedatu zen. Aipagarria da lorpen hauetako batek ere ez duela garrantzirik galdu gaur egun.
1920ko hamarkadako beste erakusketa batzuetan ez bezala, Guggenheim Bilbao Museoan aurkezten dugun honek ez ditu garaiko mugimenduak, hots, Bauhaus-ekoa, Dadaismoa, Objektibotasun berria edo diseinuaren eta arkitekturaren ikono modernoak modu isolatuan aztertzen, guztiak elkarrekin kokatzen ditu, aldaketa ugari bizi izan ziren urte haietako aniztasun formala azaltzeko. Guggenheim Bilbao Museoak eta Kunsthaus Zürich museoak antolatu duten erakusketa honen komisarioak Cathérine Hug eta Petra Joos dira. Fokua Berlin, Paris, Viena eta Zurich hirietan jartzen du eta garaian gailendu ziren teknika guztiak biltzen ditu: pintura, eskultura, marrazkia, argazkia, zinema, collagea, moda edo altzarien diseinua. 1920ko hamarkadako lengoaia formala eta gaiak agerian erabiltzen dituzten artista garaikideentzat plataforma bar ere eskaintzen du erakusketa honek, gaurko unearekin dagoen denbora-arrakala murriztuz. Sigfried Giedion historialari eta arkitektura kritikariak honako hau aipatu zuen behin, arte-erakusketen xedearen inguruan:
"Arteak, urtetik urtera gure mundua hedatzen eta eboluzionarazten duen garai batean, artea ez da inoiz aisia hutsa. […] Ezaugarri hauetako erakusketa batek argazki berri batzuk ikusteko aukera baino zerbait gehiago ekartzen digute, gure garai propiora dugun sarbidea areagotzen laguntzen digu".
Eta hori da hain zuzen ere gure bisitarientzat nahi duguna.