Urte eroak, 1920ko hamarkada
Heinrich Hoerle, Hiru ezindu (Drei Invaliden, ca. 1930)
Jeanne Mammen
Iruzkinak
Constantin Brancusi
- Izenburua:
- Constantin Brancusi
- Erakusketa:
- Urte eroak, 1920ko hamarkada
- Gaiak:
- Eragin artistikoa | Sorkuntza artistikoa | Bolumena | Lerroa | Materialtasuna | Sinbologia | Espiritualtasuna | Lehen Mundu Gerra | Paris | Fernand Léger | Man Ray | Marcel Duchamp | Pertzepzioa
- Mugimendu artistikoak:
- Abangoardia | Modernismoa
- Artelan motak:
- Argazkia | Eskultura
- Aipatutako artistak:
- Brancusi, Constantin
1912an Marcel Duchamp, Fernand Léger eta Constantin Brancusi-k elkarrekin bisitatu zuten Parisko Abiazio Erakusketa. Beranduago, Léger-ek gogoan zuen:
"Marcel, tipo hotza zen eta kutsu ukiezina zuen, eta motor artean zebilen hitzik esan gabe. Bat batean, Brancusi-ri begiratu eta esan zion: Pintura akabatuta dago. Nork egin dezake helize hauek baino gauza hobeagorik? Zuk ahalko zenuke?"
Constantin Brancusi ere txundituta zuen hegan egiteko ideiak. Hala ere, bere interesa ez zen helizeetan oinarritzen, goraldi espirituala interesatzen zitzaion, “arimaren hegaldia" Lehen Mundu Gerraren aurretik, hegaztien irudi errealistak sortu zituen.
1923tik 1941era Txoria espazioan izeneko seriean lan egin zuen. Lan horretan, hegaztiaren irudikapena alde batera utzi eta hegaldiaren baliokide estetikoa sortu zuen. Brancusi-k interes handia zuen materia energia bihurtzearen kontzeptuan. Lerroen arintasunak, masaren eta hutsunearen arteko harremanak eta azalera distiratsuak, gorputzek pisurik ez duten sentsazioa ematen dute.
Artistak efektu hau areagotzea lortu zuen argazkigintzaren bidez. 1920ko hamarkada hasieran gela ilun bat eraiki zuen eta argazkigintzan bere hastapenak egiten hasi zen Man Ray-ri esker. Man Ray-ren lana ere ikusgai dago erakusketa honetan.
Argazki gehienetan, 1921etik aurrera aterata, Brancusi-ren eskulturak haren estudioan ikus daitezke. Argia modu atmosferikoan kokatzen da azaleren gainean. Eskultorearentzat, islak eta itzalak bolumena, materialtasuna eta oinarria bezain garrantzitsuak ziren. Irudi hauek hasiera batean bere artea dokumentatzeko baliatu zituen Brancusik, baina denbora pasa ahala berezko artelanak bilakatu dira eta horietan artistak ikusleari erakusten dio nola nahi duen bere lanak ulertzea.