Urte eroak, 1920ko hamarkada
Xanti Schawinsky
1920ko hamarkadako diseinu klasikoak: Aulkiak
Iruzkinak
Le Corbusier: Esprit Nouveau
- Izenburua:
- Le Corbusier: Esprit Nouveau
- Erakusketa:
- Urte eroak, 1920ko hamarkada
- Gaiak:
- Arkitektura | Hirigintza | Pintura | Eragin artistikoa | Sorkuntza artistikoa | Espazioa | Diseinua | Erakusketak | Paris | Amédée Ozenfant
- Mugimendu artistikoak:
- Art Decó | Purismoa
- Aipatutako artistak:
- Le Corbusier,
Le Corbusier suitzar-frantziarraren izena "arkitekto modernoaren" sinonimoa da. 1887an jaio zen La-Chaux-de-Fonds-en Charles-Édouard Jeanneret izenarekin eta Parisera joan zen betirako 1917an. Hasiera batean pintore purista gisa aritu zen Parisen. Berak eta Amédée Ozenfant-ek garatutako estiloa izan zen purismoa, hain zuzen. L’Esprit nouveau aldizkariaren fundatzaileetako bat izan zen eta horri esker kultura kritikari ospetsu bihurtu zen, gainera Le Corbusier ezizena erabiltzen hasi zen garai hartan ere. 1925ean Dekorazio-Artearen eta Industria Modernoen Nazioarteko Erakusketan aurkeztu zuen Espiritu Berriaren Pabilioia. Erakusketa hartatik hartzen du hain zuzen ere Art Déco mugimenduak bere izena. Makinen aroan, bizitzak, indibidualki zein taldeka, erabilgarria, soila eta ekonomikoa izan beharra zuen. Lehenengoz erabili zituen Le Corbusierrek han biltegiratzeko altzariak gelak banatzeko, "gelaxka" modularra delakoa baliatuz. Garaian hiru milioi biztanle zituen Pariseko hirigintza plan bat ere diseinatu zuen Gabriel Voisin autoen markak finantzatuta. Diseinuan, populazio handia duten guneen arazoa altuera handiko eraikinekin konpontzen da, eta espazio librea autoen eta oinezkoen artean banatzen da. Egungo joerak kontuan hartuz, hiri profil hau, denbora luzez "ultramodernotzat" jo zena banako gidarien beharrak kontutan hartzeari garrantzi handia ematen ziolako, indarrean dago gaur egun ere.