Urte eroak, 1920ko hamarkada
My Ullmann eta Vienako Zinetismoa
Josephine Baker dantzaria (Paris)
Iruzkinak
Marc Bauer, Sugea lurrean / Mnemosine (The Snake on the Ground / Mnemosyne ), 2020
- Izenburua:
- Marc Bauer, Sugea lurrean / Mnemosine (The Snake on the Ground / Mnemosyne ), 2020
- Erakusketa:
- Urte eroak, 1920ko hamarkada
- Gaiak:
- Eragin artistikoa | Esperimentazio artistikoa | Sorkuntza artistikoa | Marrazkigintza | Lehen Mundu Gerra | Suitza | Emozioa | Kontzientzia
- Mugimendu artistikoak:
- Arte Garaikidea
- Artelan motak:
- Instalazioa
- Aipatutako artistak:
- Bauer, Marc
Bere marrazki bitxi eta delikatuengatik ezaguna den Marc Bauer artistak Mediterraneoan 2019an egindako erreskate baten argazkia ikusi zuenean ez zuen inolako emoziorik sentitu. Drama baten aurrean egotean egonda ere ezer ez sentitze horrek, harrituta utzi zuen. Erantzun moduan, eta auto-hausnarketa kritiko gisa, larrialdi egoeren eta itsasoko salbamenduaren irudi tradizionaletara zuzendu zuen bere arreta. Ikerketa horren emaitza Mal Être / Performance instalazioan aurkeztu zuen Londresen, eta beste toki batzuetan. Gure erakusketaren testuinguruan, iturri desberdinetatik hartutako irudien bilketak dimentsio berria hartzen du. Bauerrek kopiatu dituen aurkitutako objektuak Aby Warburg arte historialariak sortutako Mnemosyne Atlasa kontzeptuaren ordena jarraituz erakusten ditu. 1921ean Warburg Ludwig Binswanger psikiatraren Kreuzlingengo (Suitza) gaixoetxean egon zen sartuta. Lehen Mundu Gerran bizitako esperientzien ondorioz krisi sakona eragin zioten, buruko gaitza izateraino.
"Mnemosyne Atlasa” teoriarekin, Warbugek motibo zaharren eta modernoen artean dauden ezkutuko konexioak aztertu nahi zituen. Izan ere, gaur egun hiperesteken bidez sarean nabigatzean Internetek erabiltzaileei eskaintzen dizkien irudi asinkronikoen asoziazio printzipioa aurreikusi zuen. Xede horrekin, Warbugek Europan zehar bidaiatu zuen, liburutegiak eta artxiboak bisitatu zituen eta ondoren taulen gainean itsatsi zituen aurkitutako obren haien irudiak. Amaitu gabeko proiektu hura aldi berean zientifikoa eta asoziatiboa den ordena-printzipioaren arabera egituratzen da, kontraste interesgarriak nabarmenduz.
Marc Bauerrek antzerako metodologia erabiltzen du asoziazio bisualak lantzeko orduan. Obra hau bereziki egokitu da espazio honetan sartzeko, beraz 1920ko hamarkadaren eta gure gaurko 2020ko hamarkadaren arteko zubi bat dela esan daiteke.