Alice Neel: pertsonak lehenbizi
Carlos Enríquez, 1926
Iruzkinak
Sarrera
- Izenburua:
- Sarrera
- Erakusketa:
- Alice Neel: pertsonak lehenbizi
- Gaiak:
- Gizakia | Emakumea artean | Artea eta gizartea | Artea eta historia | Artearen historia | Eragin artistikoa | Ibilbide artistikoa | Gizarte-kronika | Depresio Handia | Faxismoa | Feminismoa | AEB | Pertsonak | Emozioa | Enpatia | Arrazakeria | Justizia
- Mugimendu artistikoak:
- Espresionismoa
- Artelan motak:
- Pintura
- Aipatutako artistak:
- Neel, Alice
Alice Neel: pertsonak lehenbizi erakusketak XX. mendeko artistarik erradikalenetako bat bezala aurkezten du Alice Neel. Justizia sozialaren defendatzaile izan zen, eta printzipio humanistekin izaniko konpromiso etengabeak inspiratu zituen haren bizitza eta artea.
“Niretzat, pertsonak [dira] lehenbizi”, adierazi zuen Neelek 1950ean. “Gizakiaren duintasuna eta betiereko garrantzia aldarrikatzen saiatu naiz”.
Humanismoaren oinarri etikoen ildotik, Neelek “pertsonen irudi” izenez deitzen zituenak margotzeari ekin zion.
Demokratikoa eta inklusiboa izaki, Neelek hainbat jatorri eta baldintza sozialetako pertsonak margotzen zituen.
Arreta berezia ipintzen zien sexismoaren, arrazakeriaren eta kapitalismoaren bidegabekeria jasandako pertsonei, bai eta injustiziaren aurka borrokatzen zirenei ere.
Neelen bizitzan eta artean eragina izan zuen artistak bere ideal komunistekiko izan leialtasunak XX. mendeko gertaera aztoratuen erdian, hala nola Depresio Handia, mugimendu feminista eta eskubide zibilen aldeko mugimendua. Horregatik, nolabaiteko pintura historikotzat deskribatu zuen bere lana.
78 urterekin, Neelek gogoeta hauxe egin zuen: “Margotzeko nuen arrazoietako bat zen bizitza gertatzen den bezalaxe jasotzea, gertatzen ari den unean bertan... pertsona jakin batzuk pintatuz eta gertaera guztiak margotuz. Azken buruan, XX. mendea ordezkatzen dut: 1900. urtean jaio nintzen, eta nire garaiko espiritua harrapatzen saiatu naiz”.