Alice Neel: pertsonak lehenbizi
Sarrera
Arrain-merkatua (Fish Market), 1947
Iruzkinak
Carlos Enríquez, 1926
- Izenburua:
- Carlos Enríquez, 1926
- Erakusketa:
- Alice Neel: pertsonak lehenbizi
- Gaiak:
- Emakumea artean | Artea eta gizarte iraultza | Artea eta politika | Eragin artistikoa | Ibilbide artistikoa | AEB | New York | Kuba | Carlos Enríquez
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
Carlos Enríquez Gómez, hemen 26 urterekin ageri dena, Kubako abangoardia artistiko eta intelektualeko parte izan zen.
1921ean, Neel Philadelphia School of Design for Women zentroan aritu zen pintura-ikasketak egiten (gaur egungo Moore College of Art and Design-en), eta, 1924an, egun arte ederretako master baten baliokidea izango litzatekeen titulazioa eskuratu zuen.
Chester Springs-eko udako eskolan ari zela, Neelek maitasun-harreman sutsu bat hasi zuen Enríquezekin (bizitzan lehenbizikoa).
Kubara ezkondu ziren 1925ean, eta Enríquezek intelektual kubatar eta espainiar ospetsuak aurkeztu zizkion Neeli, hala nola Alejo Carpentier eleberrigilea eta Marcelo Pogolotti margolaria.
Kuban, Neelek ulertu zuen artegintza ekintza politikoa izan zitekeela.
Gerora, adierazi zuen Enríquezi zor ziola ezkertiar sutsua izatea: “Senar kubatarra izateak latinoamerikar pentsamoldea erakutsi zidan. Estatubatuarra zen oro gorrotatzera iritsi nintzen: 'Iparraldeko Koloso' gisa ikusten nuen geure burua”.
Neelek eta Enríquezek bi alaba izan zituzten. 1927an alaba zaharrena jaio ondoren, New Yorkera joan ziren bizitzera. Handik hilabete batzuetara, zoritxarrez, Santillana alabatxoa hil egin zen difteriak jota. Bikoteak ez zuen luze iraun: Enríquez Kubara itzuli zen 1930ean, ustez aldi labur baterako, eta berarekin eraman zuen bigarren alaba Isabetta; azkenean, Enríquezen familiak hazi zuen haurra. Haien bizitzetan eragin handia izan zuen banaketaren ondotik, Neelek apenas ikusi zuen Isabetta.