Alice Neel: pertsonak lehenbizi
Autorretratua (Self-Portrait), 1980
Maria haurdun (Pregnant Maria), 1964
Iruzkinak
Carmen eta Judy (Carmen and Judy ), 1972
- Izenburua:
- Carmen eta Judy (Carmen and Judy ), 1972
- Erakusketa:
- Alice Neel: pertsonak lehenbizi
- Gaiak:
- Emakumea artean | Eragin artistikoa | Ibilbide artistikoa | Sinbologia | Erretratua eta autorretratua | Gizarte-kronika | New York | Pertsonak | Enpatia | Amatasuna | Arrazakeria | Klase sozialak
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
Bere karreran zehar, Neelek amen irudiak margotu zituen amatasunaren etapa guztietan, izan erditu aurretik, izan ondoren. Obra horiek ageri dira haren lanik erradikalenen artean; izan ere, bizkar eman izan zaie emakumearen irudikapen mota horiei artearen historian zehar, eta zentsuratu ere zentsuratu dira.
Carmen Gordon haitiarra urte askoan izan zen artistaren neskamea, eta Judy alabatxoa besoetan duela ikusten da hemen.
Carmen indartsu eta babesle ageri da; haren alaba Judyk, ordea, garapenaren nahasmendua izanik, ahul eta pasibo dirudi, amaren titiburua aurkitu ezinik.
Neelek Gordonen duintasuna nabarmendu zuen haren aurpegi errukiorrean, bai eta haren ezkerreko eskuaren bidez ere, zeina neurriz kanpo handitu baitzuen, Carmenek bizitza osoan eginiko lan gogorrari erreferentzia eginez; eta, akaso, aintzat hartuko zuen neskatxa gaixoa eta beste lau seme-alaba hazteko lan latza ere.
Judy izan zen Neelek biluzik erretratatu zuen pertsona beltz bakanetako bat. Neelek koadro hori margotu eta gutxira, Judy bularreko haurra bat-batean hil zen.