Alice Neel: pertsonak lehenbizi
Naziek juduak hiltzen dituzte (Nazis Murder Jews), 1936
Peggy, 1949
Iruzkinak
Ahalegin hutsala (Futility of Effort), 1930
- Izenburua:
- Ahalegin hutsala (Futility of Effort), 1930
- Erakusketa:
- Alice Neel: pertsonak lehenbizi
- Gaiak:
- Gizakia | Eragin artistikoa | Ibilbide artistikoa | Kolorea | Sinbologia | Gizarte-kronika | Drama | Enpatia | Giza harremanak | Sufrimendua | Amatasuna
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
Neelek askotan aipatzen zuen Balzac-en Giza komedia lana, giza ekintzen kausak eta ondorioak aztertzen dituena. Balzac bezalaxe, Neel ere saiatu zen sufrimendu- eta galera-gertaerak dokumentatzen, baina jaso zituen sendotasunaren eta erresistentziaren berri ematen dutenak ere, zintzotasun gupidagabearekin eta enpatia biziarekin egin ere.
Neelen arabera, Ahalegin hutsala koadroak bi tragedia izan zituen inspirazio-iturri. 1927an, artistak Santillana alaba zaharrena galdu zuen, difteriak jota. Handik gutxira, jakin zuen haur bat itota geratu zela sehaskako barroteen artean, ama sukaldean lisaketan ari zela. Gertaera horrek inspiratu zuen margolaneko irudia: haur txiki bat aurrez aurre begira, gorputza sehaskako barroteen artean esekita duela.
Ahalegin hutsala lanak galeraren bizipena islatzen du, norberarena zein besterena, grisez, beltzez eta zuriz osatutako paisaia oniriko batean.
Neelek esanikoaren arabera: “Haur bat izateari eskaintzen diozun ahalegin itzela ageri da [koadro honetan]. Haurdunaldia eta gainerako guztia. Eta, gero, guztia, guzti-guztia galtzearen tragedia”.