Alice Neel: pertsonak lehenbizi
Carlos Enríquez, 1926
Georgie Arce 2. zk., 1955
Iruzkinak
Arrain-merkatua (Fish Market), 1947
- Izenburua:
- Arrain-merkatua (Fish Market), 1947
- Erakusketa:
- Alice Neel: pertsonak lehenbizi
- Gaiak:
- Emakumea artean | Eragin artistikoa | Ibilbide artistikoa | Sorkuntza artistikoa | Perspektiba | Gizarte-kronika | Hiri-eszenak | Merkatua | Hiria | AEB | New York | Latinoamerika | Pertsonak
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
New York hiria, Neelen inspirazio-iturri nagusi ez ezik, giza drama baten agertoki ere bilakatu zen: artista 1930eko hamarkadaren lehen urteetan hasi zen hura bere lanetan jasotzen, eta etenik gabe margotu zuen sei hamarkadatan zehar, harik eta 1984an hiri hartan bertan hil zen arte.
Neel 1931 amaieran edo 1932 hasieran joan zen New Yorkera behin betiko bizitzera. Bronx eta Greenwich Village auzoetan bizi izan zen, eta 1938an Spanish Harlem auzora joan zen bikotekide berriarekin: José Negrón musikari puertorricarrarekin.
Spanish Harlem, Ekialdeko Harlem eta El Barrio izenez ere deitua, New Yorken gehiengo latinoa zuten auzo nagusietako bat zen. Bizilagunen artean, Puerto Ricotik etorritako pertsonak zituen, baina baita Dominikar Errepublika, Kuba eta Mexiko aldekoak ere.
Eguneroko bizitzaren irudi alai honek La Marqueta irudikatzen du, Spanish Harlemeko merkatu estalia, 1936an eraikia.
Goitik erretratatutako Arrain-merkatuak eskailera baten buruan ipintzen du behatzailea (baita Neel ere), jendetzarantz jaistekotan balego bezala. Perspektiba horrek merkatuaren arkitektura nabarmentzen du, eta azpimarratu egiten ditu atzealdeko azulejuzko pareta, sabaitik zintzilik dauden lanpara luzeak eta, batez ere, gelan nagusi diren leihate paneldunak.
Neelek La Marquetako aniztasun etnikoa jaso zuen, eta, aldi berean, oso-osorik irudikatu zuen merkatuko jardunari bizia ematen zioten adierazpen eta keinu sotilen sorta.