Alice Neel: pertsonak lehenbizi
David Bourdon eta Gregory Battcock (David Bourdon and Gregory Battcock), 1970
Soldadugai beltza (James Hunter) [Black Draftee (James Hunter)], 1965
Iruzkinak
Richard enpresa-garaian (Richard in the Era of the Corporation ), 1978-79
- Izenburua:
- Richard enpresa-garaian (Richard in the Era of the Corporation ), 1978-79
- Erakusketa:
- Alice Neel: pertsonak lehenbizi
- Gaiak:
- Gizakia | Artea eta politika | Ibilbide artistikoa | Erretratua eta autorretratua | Gizarte-kronika | AEB | New York | Giza harremanak | Pertzepzioa | Sentimenduak | Subjektibotasuna | Amatasuna
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
Neelek Richard seme zaharrenari 40 urte zituela eginiko erretratua da hau, Pan Am Airways enpresarentzat lan egiten zuenekoa. Neelen hitzetan, erretratu honek garai bat islatzen du non “korporazioak esklabo bihurtzen zituen hamaikatxo gazte bikain... leher eginda dagoela dirudi”.
Bi alaba galdu ondoren, Neelek bi seme izan zituen, Richard eta Hartley, eta gizarte-zerbitzuen laguntzari esker hazi zituen, egoera ekonomiko prekarioan, artegintzari sekula bizkarrik eman gabe.
Margolan honek barru-barrutik erakusten du ama-semeen arteko urruntze politikoa.
Neelek itsas urdin koloreko traje batekin pintatu zuen Richard semea. Badirudi gris koloreko betaurreko finek besorik gabe hartzen dutela atseden sudur gainean, begi ilunak eta bekain nabarmenak markoztatuz.
Richardek zintzotasunez begiratzen dio ikusleari, eta halako gaixo itxura ematen duten itzal berdexkek inguratzen diote aurpegia, zeina bi aldeetatik ikus baitaiteke, atzealdeko ispiluan profilez ageri den islari esker.
Richard ez dago eroso jarrera horretan, nahiz eta hanka bat bestearen gainean gurutzatuta eduki, ustez konfiantza adierazten duen keinuz. Erne jarraitzen dute besoek, eta bereziki eskuetako batek. Horrekin, kontraesan-sentsazioa eragiten du.
Hauxe esan zuen Neelek: “[…] Ez nuen jakin 70eko hamarkada benetan zer izan zen urte haiek bukatzear egon arte, Richard erretratatu nuenera arte. 1970eko hamarkadan hartu zuten kontrola enpresa handiek”.