Alice Neel: pertsonak lehenbizi
Carmen eta Judy (Carmen and Judy ), 1972
Ama Bloor-en heriotza (Death of Mother Bloor), 1951
Iruzkinak
Maria haurdun (Pregnant Maria), 1964
- Izenburua:
- Maria haurdun (Pregnant Maria), 1964
- Erakusketa:
- Alice Neel: pertsonak lehenbizi
- Gaiak:
- Emakumea artean | Giza gorputza | Eragin artistikoa | Ibilbide artistikoa | Sorkuntza artistikoa | Kolorea | Biluzia | Erretratua eta autorretratua | Bizitza | Zentsura | AEB | Amatasuna
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
Itxuraz, honako hau da Neelek emakume haurdunen sail apartekoan eginiko lehenbiziko lana.
Maria bare eta seguru ageri da. Kolorezko orban zabalen bidez, Neelek irmo definitu zituen haren bularrak, sabela eta izterrak, guztiak ere haurdunaldiarekin mardulduak.
Mariak ez du ageri konbentzioek aholkatuko luketen ohiko jarrera. Aitzitik, modeloak erosotasuna bilatu nahi izan zuen, Neelek odaliskaren tradizioari nahita egindako keinuari jarraikiz.
Aurrekaririk gabea da Neelek emakume haurdun biluziei etengabe emaniko arreta, eta bereziki deigarria da hori jakinik kultura bisualak baztertu egiten zuela gai hori neurri handi batean.
Esate baterako, indarrean jarraitzen zuen 1934tik 1968ra bitartean Ameriketako Estatu Batuetako filmen edukia zentsuratu zuen Hays kodeak, zeinak debekatu egiten baitzuen pantailan erditzearen irudikapenik edo gaiari buruzko eztabaidarik agertzea.
Oro har, Neelek haurdunaldiaren amaieratik gertu zeuden emakume haurdunak erretratatzen zituen, gorputzak gobernagaitzago eta kurbak harrigarriago zituzten garaian.
Hara zer esan zuen behin Neelek: “[Haurdunaldiak] ez nau erakartzen, bizitzaren zati bat baino ez da. Bizitzaren zati oso garrantzitsua da, eta erabat baztertu da. Uste dut, gai gisa, erabat legitimoa dela, eta jendeak ez duela inoiz erakutsi, izan lotsa zuriagatik edo koldarkeriagatik. Baina bizitzaren funtsezko zatia da. Gainera, ikuspuntu plastikotik, oso hunkigarria da”.