Alice Neel: pertsonak lehenbizi
Fuller Brush saltzailea (Fuller Brush Man), 1965
Richard enpresa-garaian (Richard in the Era of the Corporation ), 1978-79
Iruzkinak
David Bourdon eta Gregory Battcock (David Bourdon and Gregory Battcock), 1970
- Izenburua:
- David Bourdon eta Gregory Battcock (David Bourdon and Gregory Battcock), 1970
- Erakusketa:
- Alice Neel: pertsonak lehenbizi
- Gaiak:
- Gizakia | Homosexualitatea | Ibilbide artistikoa | Sormena | Konposizioa | Erretratua eta autorretratua | Gizarte-kronika | New York | Umorea | Giza harremanak
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
David Bourdon, erretratua eginiko garaian 36 urteko gizona, Life aldizkariko editorea zen.
33 urteko Gregory Battcock, berriz, arte-kritikaria, hezitzailea eta ekintzailea zen; Bourdonen laguna eta lankidea ez ezik, haren aldi baterako bikotekidea ere bazen ziurrenik.
Neelek beste bikote batzuk ez bezala irudikatu zituen, Bourdonek eta Battcockek ez baitute elkar ukitu ere egiten.
Neelek atzealdean gehitu zituen lerro horizontal batzuen bidez baino ez daude konektatuta. Egia esan, obra honek kontraste gordin eta, era berean, komikoak lantzen ditu.
Trajea eta gorbata soinean dituela, Bourdon eserita ageri da, tente eta erne, ilea txukun orraztuta; badirudi Life aldizkariko erantzukizunekin loturiko lan-bilera baterako prest dagoela.
Battcock, berriz, barruko arropa hutsean eta galtzerdiak jantzita dago, begirada galduarekin; bizarra egin gabe eta ilea nahasita, jaiki berria dirudi, edo oheratzear, gau osoa parrandan eman ostean.
Neelek gogoratzen zuenez, Bourdonek gomendatu zion Battcock tankera horretan margotzeko; iradokizun horren iturria agian zera izango zen, Battcockek nahiago izaten zuela alferkerian aritu eta etxean lan egin, barruko arropa frantsesa soinean zuela.