Alice Neel: pertsonak lehenbizi
Georgie Arce 2. zk., 1955
Ahalegin hutsala (Futility of Effort), 1930
Iruzkinak
Naziek juduak hiltzen dituzte (Nazis Murder Jews), 1936
- Izenburua:
- Naziek juduak hiltzen dituzte (Nazis Murder Jews), 1936
- Erakusketa:
- Alice Neel: pertsonak lehenbizi
- Gaiak:
- Artea eta gizarte iraultza | Artea eta politika | Eragin artistikoa | Ibilbide artistikoa | New Deal | Nazismoa | New York | Pertsonak
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
Works Progress Administration (WPA) agentziaren Arte Proiektu Federala, Franklin D. Roosevelt presidentearen New Deal egitasmoaren parte zena, funtsezko laguntza izan zen Neelen bizitzarako eta obrarako. 1933tik 1943ra bitartean, salmenta solteren bat salbu, Neelek New Dealeko egitasmo artistikoetatik bakarrik izaten zituen diru-sarrerak.
Works Progress Administration agentziarekin lanean ari zela egin zituen Neelek koadrorik politikoenak. Haien artetik, Naziek juduak hiltzen dituzte erreproduzitu da gehien. Dramatizazio honek 1936ko Maiatzaren Leheneko desfilea irudikatzen du, zeinak “iraultza-joera ezberdinetako 40.000 komunista eta sozialista” baino gehiago erakarri baitzituen, New York Times egunkariak jakinarazi zuenez.
Neelek manifestariak margotu zituen, haietako batzuk zuzi distiratsuekin, kaleetan barrena modu baketsuan desfilatzen, oinezkoak espaloietatik begira zeuzkatela. Lehen planoan nabarmendutako irudiek Works Progress Administration agentziako beste artista batzuk irudikatzen dituzte.
Mihisearen erdian, langile batek honakoa dioen pankarta bat darama: “Naziek juduak hiltzen dituzte”. Koadroa propagandistikoa zela leporatu ziotenean, hauxe erantzun zuen Neelek: “Honen moduko koadroei kasu egin izan baliete, naziek akaso ez zuten aukerarik izango jendetza hori guztia akabatzeko”.