Alice Neel: pertsonak lehenbizi
Joe Gould, 1933
Carmen eta Judy (Carmen and Judy ), 1972
Iruzkinak
Autorretratua (Self-Portrait), 1980
- Izenburua:
- Autorretratua (Self-Portrait), 1980
- Erakusketa:
- Alice Neel: pertsonak lehenbizi
- Gaiak:
- Emakumea artean | Giza gorputza | Eragin artistikoa | Ibilbide artistikoa | Sormena | Konposizioa | Biluzia | Erretratua eta autorretratua | New York | Amatasuna
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
Neelek 1980an amaitu zuen autoerretratua, hil baino lau urte lehenago.
Antzinako maisu europarren autoerretratuen tradizioa ongi ezagutzen zuela margotu zuen lan hau.
Adinean aurrera eginiko artista bat lanean jasotzen duen erretratu paregabe honetan, Neel eserita ageri da, biluzik, marra zuri-urdinak dituen besaulkiaren ertzean. Makina bat aldiz eskatu zien beste batzuei besaulki hartan esertzeko, berarentzat posa zezaten.
Irudian, bere ofizioko tresnei eusten die: pintzel bat esku batean eta trapu bat bestean.
Artistaren laurogei urteko gorputza, bularrak erorita eta sabela nabarmen, lau seme-alaba izan dituen emakume batena da; seme bi hazi, sei biloba izan eta sei hamarkadaz baino gehiagoz asto baten aurrean lan egin duen emakume batena, alegia.
Begiradaren kontzentrazioa, haren begi zaharrek bere isla ikusteko behar zituzten betaurrekoek nabarmendurik, artista handi baten behako serio eta irmoa da.
Neelek gerora egin zuen gogoeta haren gainean: “Beldurgarria da, ezta? Niri izugarri gustatzen zait. Gutxienez, nolabaiteko errebolta erakusten du txukuna den guztiaren aurka”.