Alice Neel: pertsonak lehenbizi
Ama Bloor-en heriotza (Death of Mother Bloor), 1951
Fuller Brush saltzailea (Fuller Brush Man), 1965
Iruzkinak
Rita eta Hubert (Rita and Hubert), 1954
- Izenburua:
- Rita eta Hubert (Rita and Hubert), 1954
- Erakusketa:
- Alice Neel: pertsonak lehenbizi
- Gaiak:
- Emakumea artean | Generoa eta sexualitatea | Eragin artistikoa | Ibilbide artistikoa | Kolorea | Konposizioa | Komunismoa | AEB | Giza harremanak | Gizontasuna | Mugimendu sozialak
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Neel, Alice
Neel Ameriketako Estatu Batuetako Alderdi Komunistan sartu zen 1935ean. Nahiz eta aldizka egon zen afiliatuta, gizarte-, arraza- eta ekonomia-justiziaren alde lan egin zuen ordutik aurrera.
Hubert Satterfield idazle komunista bat izan zen, eta Neelek bakarka ere erretratatu zuen.
Erretratu honetan, ordea, Satterfield eta haren bikotekide Rita ageri dira, eta kolorearen, kontrastearen eta estanpatuaren estudio bikaina da.
Zalantzarik gabe, Neelek atsegin ederra hartu zuen Huberten alkandora koadroduna eta Ritaren azpiko gona bolanteduna irudikatzen, zeinak abstrakzioan murgildurik baitaude.
Satterfield liburuz inguratuta dago: haren lanbideko tresna eta bizitza mentalaren ikur. Gizona konbentzimenduz makurtuta dago aurrerantz, kide ikusezin batekin hitz egin nahiko balu bezala.
Rita, berriz, sofa urdinean hondoraturik dago, bikotekideari begira-begira: idazlearen autoritate maskulinoaren osagarri huts gisa hartu liteke.
Neelek agian nahita nabarmendu zuen Ritaren bigarren mailako rola, genero-desberdintasunaren kritika sotil baina zorrotza eginez.