Budapesteko paper gaineko maisulanak
Sarrera
Hastapenak: XV. mendeko marrazkiak eta estanpak
Iruzkinak
Budapesteko Arte Ederren Museoa eta haren Estanpa eta Marrazki Bilduma
- Izenburua:
- Budapesteko Arte Ederren Museoa eta haren Estanpa eta Marrazki Bilduma
- Erakusketa:
- Budapesteko paper gaineko maisulanak
- Gaiak:
- Arkitektura | Bildumagintza | Artearen historia | Artelanak | Papera | Erakusketak | Marrazkigintza | Museoak | Hungaria | Budapest
Budapesteko Arte Ederren Museoa 1896an sortu zen Hungariaren Milurtekoa ospatzeko. Albert Schickedanz arkitektoak diseinatu zuen egoitza berriaren eraikina, eta museoa 1906ko abenduaren 1ean inauguratu zen, Frantzisko Josef I.a erregea bertan zela.
Orduantxe sortu zen Estanpa eta Marrazki Bilduma paper gaineko lanak biltzeko, eskuratzeko eta erakusgai jartzeko helburuarekin.
1904 eta 1906 artean, Ede Toroczkai Wigand arkitekto eta diseinatzaileak museoko espazioetarako altzariak eta ekipamenduak diseinatu zituen. Horien artean, erakusketa-aretoa sortu zuen, funtzio bikoitzarekin sortu ere: batetik, lanak ikusgai jartzea, eta, bestetik, grabatu-biltegi gisa baliatzea. Gaur egun ere modu berean erabiltzen da. Duela gutxi erabat modernizatu dute aretoa, baina jatorrizko altzari guztiak mantendu dituzte.
Gaur egun, 3.500 marrazki eta 51.000 estanpa baino gehiagoko multzo batek osatzen du bildumaren muina. Obra horiek Esterházy familia aristokratiko ospetsuarenak izan ziren garai batean.
Sortu zenetik igaro diren 150 urteetan zehar, Estanpa eta Marrazki Bilduma etengabe haziz joan da hainbat erosketari eta dohaintza eskuzabalei esker.