Budapesteko paper gaineko maisulanak
Bildumaren lehen hamarkadak
Hemen eta orain: paper gaineko obra errealistak eta inpresionistak
Iruzkinak
XIX. mendeko hungariar maisu bat: Miklós Barabás
- Izenburua:
- XIX. mendeko hungariar maisu bat: Miklós Barabás
- Erakusketa:
- Budapesteko paper gaineko maisulanak
- Gaiak:
- Arte italiarra | Artea eta paisaia | Eragin artistikoa | Ibilbide artistikoa | Sorkuntza artistikoa | Lan-prozesua | Erretratua eta autorretratua | Hungaria | Budapest | Teknika eta materialak
- Mugimendu artistikoak:
- Erromantizismoa
- Teknikak:
- Grabatua | Litografia | Marrazkia
- Aipatutako artistak:
- Barabás, Miklós
Miklós Barabás XIX. mendeko Hungariako artistarik nabarmenetako bat izan zen, baita emankorrenetakoa ere, bere lanak ia mende osoa hartzen baitu.
1834 eta 1835 artean, Italia aldera joan zen ikasketa-bidaia bat egitera, eta joanaldi hark eragin erabakigarria izan zuen bere artegintzan. Han ikasi zuen akuarelaren teknika modernoa menderatzen, eta horri esker veduta eta paisaia biziki dotoreak sortu zituen, teknika bikainez eginak. Akuarela horiek garrantzi handikoak dira, baita nazioarteko panorama kontuan harturik ere.
Bere ibilbide osoan zehar, Barabásek hainbat genero jorratzen jarraitu zuen, bai marrazkietan, bai akuareletan. Hala ere, Italiatik bere herrialdera itzuli zenean, erretratugintzan jardun zuen, irabazi handiak ematen zituen esparrua baitzen.
Denboraren poderioz, Hungariako aristokraziaren eta elitearen erretratugile kutunena bilakatu zen, eta Frantzisko Josef I.a erregea, Franz Liszt konpositorea eta beste zenbait pertsona ospetsu irudikatu zituen.
Pinturarekin batera, Barabásek interes handia izan zuen argazkigintzarekiko ere, eta litografo bikain bihurtu zen: prentsako ilustrazioak, karikaturak eta moda-figurinak sortu zituen.
Barabásek zahartzarora arte jarraitu zuen marrazten, eta xehetasun handiz irudikatu zituen Budapesteko zuhaitzak eta parkeak.