Anni Albers: Ikusmena ukitu
Bertikalekin (With Verticals, 1946)
Ehun-lagina, 1949
Iruzkinak
Korapiloa (Knot, 1949)
- Izenburua:
- Korapiloa (Knot, 1949)
- Erakusketa:
- Anni Albers: Ikusmena ukitu
- Gaiak:
- Geometria
- Teknikak:
- Bilbe osagarria
- Artelan motak:
- Ehun piktorikoa | Pintura
- Aipatutako artistak:
- Albers, Anni
Urte luzez aztertu zituen Anni Albersek forma geometrikoak: aldaera xeheak erantsiz haien mugak bilatu zituen; ordena, errepikapena eta simetria kontraesanean jarri zituen; erregulartasun ortogonalarekin eta angelu zuzeneko sekzioarekin lan egin zuen, irazkia eta bilbea eskemak hala behartuta. Eta guzti hori egin ondoren, forma libreagoekin eta irregularragoekin esperimentatu nahi izan zuen artistak.
Papera eremu ona da ikerketa lan hori egiteko. Baina Albersek bide horri ekin zion, bere ahots izan zedin aukeratu zuen adierazpidea gogoan: haria, alegia. Horregatik, “gouache” honetan marrazkiaren bidez irudikatzen du artistak hainbat hari solteren forma librea, haien joan-etorria, aurrez eratutako eskemarik gabea, haien itzuli-mitzuliak, korapilatu arte nahasi ahal dituztenak.
Urte horietan bertan hasiko da ehun irregularragoetan lan egiten. Hori lortzeko bideetako bat testuren kontrastea sortuko duten hariak erabiltzea izango da. Beste bat, bilbe osagarria erabiltzea ehun piktorikoak sortzeko, egitura erregularrei men egin gabe eta hariak forma solteago eta organikoagoetan antolatzeko moduan ehunduz.