Anni Albers: Ikusmena ukitu
Hirukoa I Dr. I (Hirukoa I estudioa) [Triadic I Dr I (Study For Triadic I), 1968]
Epitafioa (Epitaph, 1968)
Iruzkinak
Lerroen elkarreragina portfolioa (Line Involvements Portfolio)
- Izenburua:
- Lerroen elkarreragina portfolioa (Line Involvements Portfolio)
- Erakusketa:
- Anni Albers: Ikusmena ukitu
- Teknikak:
- Litografia
- Artelan motak:
- Grabatua
- Aipatutako artistak:
- Albers, Anni
Grafikoaren baliabidera 1963an hurbildu zen lehenbiziko aldiz Anni Albers. Haren senar Josef grabatu sail batean lanean ari zen, orduan, June Waynek Los Angelesen zuzentzen zuen litografia tailerrean. Anniren lana ezagutu zuenean, Waynek gonbidatu egin zuen grabatuaren teknikak ikertu eta tailer hartan parte hartzera, hurrengo urteko udan. Tailer hartan egin zuen hemen ikusten dugun grabatu saila.
Litografia sail honetan artistak jarraitu egin zuen hariari buruzko bere gogoeta, forma libre eta malgua den aldetik, lehen paperaren gainean egindako zenbait lanetan egin zuen moduan. Baina haietan, gogoeta formala egiteaz gain, grabatuaren beraren teknikak aplikatzen ditu, efektuak sortzeko.
Pieza bakoitzean tinta desberdinen erabilerak eskaintzen dituen aukerekin jolas egiten du, plantxa edo harri litografiko desberdinetan. Tinten gardentasun-gaitasuna eta azidoen erabilera ikertzen ditu, atzealde uherrak sortzeko. Gainera, langintza horretan ohikoa den estrategia frogatzen du: motibo bera hainbat aldiz inprimatzeko aukera, positibo eta negatibo efektua eragiteko.