Anni Albers: Ikusmena ukitu
Korapiloa (Knot, 1949)
La Luz I (1947)
Iruzkinak
Ehun-lagina, 1949
- Izenburua:
- Ehun-lagina, 1949
- Erakusketa:
- Anni Albers: Ikusmena ukitu
- Gaiak:
- Artea. Materiala
- Mugimendu artistikoak:
- Arte Abstraktua | Minimalismoa
- Artelan motak:
- Ehun piktorikoa
- Aipatutako artistak:
- Albers, Anni
1940ko hamarkadaren amaieran, ehungintzaren teknika bi hamarkadaz landu ondoren, Anni Albers izan zen New Yorkeko MoMA museoan atzera begirako erakusketa bat izan zuen diziplina horretako lehen artista. Gertaera garrantzitsua izan zen, ehungintzaren artea, ingelesez Fiber Art deitua, gainerako diziplina klasikoen mailara eraman zuena.
Ordurako, ehun piktorikoak egiteko erakusten zuen maisutasuna oso ezaguna zen. Haiekin sortzen zituen konposizioak bere garaiko margolari ospetsuenen lanen maila berekoak ziren, haietan adierazpide plastikoak ikertuz, minimalismoa edota abstrakzioa, esaterako. Baina artistak urrunago joan nahi zuen, pieza bakoitzaren ekoizpenean bere lehentasunari fidel eutsiz: eskuartean zuen materialari aditzea eta haren ezaugarriak nabarmentzea. Horregatik ikertzen zituen ehunaren posibilitateak, material harrigarriak erabiliz. Material horiek kontrastea ekartzen zuten haien testura eta koloreagatik, eta era desberdinetan ehundu eta harilkatu zitezkeen. Aurrean dugun lanean, esaterako, Albersek jutea, zaldi-zurda eta zelofana baliatu zituen. Materialen aniztasun horrek testura-nahasketa bitxia eskaini, eta uhin erako formak sortzeko aukera ematen du.
Atzera begirako erakusketa hura iragartzen zuen MoMAren prentsa oharrak Albersen ikerlari eta esperimentatzaile grina nabarmentzen zuen:
…Ospe berezia eman dion materialen erabilera erakusketako ehungintza lanetan ikus daiteke. Lan horiek sorreran zelofan beltza, kobrezko felpilla eta zelofana eta kotoiaren arteko nahasketa bat erabiliz sortu zituen. Espazioen arteko artesiak egiteko, berriz, honako hauek erabili zituen: rafia beltza eta kordoia, zurezko zerrendak eta larakoak, rafia zuria eta beltza lihoaren gainean eta liho naturala eta zelofana.