Anni Albers: Ikusmena ukitu
Menditsuak I–IV (Mountainous I–VI, 1978)
Iruzkinak
Horma XI, XI I, II I, IV, VI, VII, IX, X, XIII, XIV, XV (Wall XI, XI I, II I, IV, VI, VII, IX, X, XIII, XIV, XV, 1984)
- Izenburua:
- Horma XI, XI I, II I, IV, VI, VII, IX, X, XIII, XIV, XV (Wall XI, XI I, II I, IV, VI, VII, IX, X, XIII, XIV, XV, 1984)
- Erakusketa:
- Anni Albers: Ikusmena ukitu
- Gaiak:
- Geometria | Kolonaurreko kulturak
- Artelan motak:
- Serigrafia
- Aipatutako artistak:
- Albers, Anni
Kolonaurreko kulturen ikonografia berekin eraman zuen bizi guztian Anni Albersek. Umetatik Berlingo museoetara egindako lehenbiziko bisita haietatik hasita, Latinoamerikan zehar egindako bidaietaraino, kultura haien lanak, iruditxoak, ehunak eta arkitektura begiratzen zituen, ase ezinezko jakin-minez, betiere zerbait gehiago ikasi nahian: formen eta eskalen arteko harreman berri bat, edota zeinuen esanahi berri bat.
Senarrarekin batera egindako bidaiak hirurogeiko hamarkadan egin bazituen ere, Mexiko eta Peru bezalako herrietako arkitektura beti joan zen Albersen gogoan. Bi hamarkada aurrerago, laurogeiko hamarkadan, eskuz koloreztatu zituen serigrafia hauek, kultura haietako hormetako koloreak gogora ekartzen dituztenak.
Bertan, hormen itxura irregularra islatzen zuen. Aurretik egindako lan asko bezala harreman geometrikoen menpe zegoen hau ere. Lan honetan, ordea, oinarrizko unitate moduan harri landu bakoitza hartzen zuen Albersek. Haien koloreekin jolasten zen, haien tamainarekin, beste harriekiko eta multzo osoarekiko proportzioarekin. Baina, hasierako ehunetan ez bezala, haien izaera irregularra indartu egiten zuen artistak hemen. Lan hauetan, bide ematen zuen irregulartasun horiek izan zitezen multzoa eta bertako osagaien arteko harremana zehazten dutenak.