Claes Oldenburg: hirurogeiko hamarkada
Zoru-tarta (Floor Cake), 1962
Mamu-arropategia (M.M.-rentzat) [Ghost Wardrobe (for M.M.)], 1967–69
Iruzkinak
Hiria buruz behera (Upside Down City), 1962
- Izenburua:
- Hiria buruz behera (Upside Down City), 1962
- Erakusketa:
- Claes Oldenburg: hirurogeiko hamarkada
- Gaiak:
- Artea eta espazioa | Artea eta emozioa | Artea eta umorea | Arkitektura | Sorkuntza artistikoa | Sinbologia | AEB
- Artelan motak:
- Eskultura | Happening-a | Performance
- Aipatutako artistak:
- Oldenburg, Claes
Hiria buruz behera, Estatu Batuetako hiri-ikuspegia, ezagutzen dugun bezala, literalki buruz behera jartzen da.
Etxe orratza, lehenbiziko forma arkitektonikoa estatubatuar peto-petoa, Chicagon asmatu zuten. 1960ko hamarkadarako, Estatu Batuetako populazioaren bi herenak hirietan bizi ziren. Hiri horiek beste guztiak baino handiago eta distiratsuagoak ziren. Zerurantz zihoan hiria Estatu Batuetako ikurra eta handitasuna zen. Hala ere, kalean, hiriko zonalde asko edo kaos bat ziren biztanle aldetik edo auzune pobreak ziren; hau da, estatubatuar ametsaren kontrakoa. Hiria buruz behera, Oldenburg-ek hiriko espazioa anabasa psikologikoaren paisaia modura erakusten du, arropa lehortzeko sokako trapu-sorta bat bihurtuta.
Gauzak ez dira izan beharko luketen bezala: Oldenburgen etxe orratzak beheraka daude, kaosa iradokiz. Egiazko eraikinak ez bezala, herrenka daude, lauak dira. Eraikinen ohiko distira eta itxura segurua joana dago. Dagoeneko ez dira mundu korporatibo oparo eta arrakastatsu batekoak. Orain hiri umilaren, lohiaren eta pertsonalaren baitan daude: hiri horretan bizi gara eta arropa eskegitzen dugu.
Dena den, artelan anbiguoa da. “Etxe orratzak” bai falikoak bai animalia modukoak dira nolabait, orban ilunak dituzte eta. Hori dela medio, lana energiaz betea dago. Berez, pieza hau berpiztearen eta berritzearen sinboloa izateko sortu zen. Hasieran, Oldenburgek euskarri modura sortu zuen performance batzuetarako, Munduko azoka 2 izeneko “happening” baten barruan. Adibide ezin hobea da, artista honek ironia zeinen modu anbiguoan erabiltzen duen.