Claes Oldenburg: hirurogeiko hamarkada
Mamu-arropategia (M.M.-rentzat) [Ghost Wardrobe (for M.M.)], 1967–69
Motor biguna Airflow-erako (Soft Engine for Airflow), 1966
Iruzkinak
Entxufeak (Plugs)
- Izenburua:
- Entxufeak (Plugs)
- Erakusketa:
- Claes Oldenburg: hirurogeiko hamarkada
- Gaiak:
- Artea eta teknologia | Sorkuntza artistikoa | Kolorea | Materiala | Tamaina | Herri-kultura
- Artelan motak:
- Eskultura
- Aipatutako artistak:
- Oldenburg, Claes
1960ko hamarkada erdialdetik, Oldenburg-ek etxeko objektu arruntak berraztertzeari heldu zion. Batzuk objektu “bigun” modura ageri ziren; beste batzuk, aldiz, “gogorrak”, “erraldoiak” edo “mamuak” bezala, betiere trantsizioan zeuden objektuak irudikatuz, beti aldaketa etengabean.
Sorta zabal honetan, Oldenburgek entxufe elektrikoei erreparatzen die. Bizitza modernorako funtsezkoak badira ere, ez zaie kasurik egiten. Erakusketa honetan hiru bertsio daude erakusgai. 1970ko Hiru bideko entxufea – D eskala, biguna; 1975ko Hiru bideko entxufea - A eskala, marroia; eta 1965ko Hiru bideko entxufea, flotatzaile ikaragarria.
Birsortu egiten du plastikozko jatorrizko objektua, askotariko tamaina, kolore eta materialetan. Pixkanaka, etxekoa zerbait desberdin bihurtzen da: batzuetan gizatiarra, duinagoa maiz, edo baita bikaina ere. Entxufeek gero eta antz handiagoa dute gizakien hankekin. 1970ko bertsio bigunak denim ohiala ere erabiltzen du, hots, normalean jeansak egiteko erabiltzen den modukoa. Kendutako entxufeek odol gorriaren moduko irekidurak uzten dituzte, zaurien itxurakoak.
1975ko hirugarren bertsioa handiena da, hiru metro eta erditik gorakoa. Binilo marroiak imitaziozko larrua dirudi, sofa edo autoen eserleku batzuetan erabiltzen den hori bezalakoa. Kolore bateratuak entxufea bloke itzel bilakatzen du, kable batetik zintzilik, makinatzar baten zatira helduta.
Oldenburgek entxufearen lehenengo bertsioa 1965tik 1966ra bitartean egin zuen. Sabaitik esekita dago bloke sendo bat da. Bere tamaina handia dela eta, objektua itxuraldatzen du, salgai funtzionala izatetik apaingarria izatera, argi-armiarma balitz bezala.
Oldenburgek, beste behin, objektu arketipiko bat berrasmatzen du.