Claes Oldenburg: hirurogeiko hamarkada
Izpi-pistola (Ray Gun)
Denda I (The Store I)
Iruzkinak
Banderak (Flags)
- Izenburua:
- Banderak (Flags)
- Erakusketa:
- Claes Oldenburg: hirurogeiko hamarkada
- Gaiak:
- Artea eta identitatea | Sorkuntza artistikoa | Materiala | Herri-kultura | AEB
- Artelan motak:
- Eskultura
- Aipatutako artistak:
- Oldenburg, Claes
1960. urterako, Oldenburg New Yorkez aspertu eta bolada motz baterako Provincetown-era joan zen, Cod lurmuturreko herri txiki batera, Boston ondoan. Bertan, hondartzan paseatzen zuen, eta itsasoak ekarritako materialak biltzen zituen, egur-puskak, esaterako. Eguraldiak astindutako material hori erabiliz, erliebe txikiak egin zituen Estatu Batuetako beste ikur baten inguruan, alegia, banderaren inguruan.
Maiz, Oldenburgen arteak bere ingurune zuzena islatzen du, eta horren testuinguru kulturala zalantzan jartzen du. Provincetown esanahi bereziko herria da. Izan ere, bertan, 1620an, erromesak Amerikako kontinentean lehorreratu ziren lehenbiziko aldiz. Erlijio disidenteek “Mayflower-eko ituna” sinatu zuten, hau da, AEBko burujabetzaren lehen-lehenengo deklarazioa.
Oldenburgen erliebe askok izar eta marren ikurrak dituzte. Estatu Batuetako “Izarrez betetako bandera” ilargidun paisaia batean sartu zuen, edo, ezustean, itsasargi baten gainean jarri, Estatu Batuek nortasun nazionalaz duten zentzua aztertzeko.