Claes Oldenburg: hirurogeiko hamarkada
Argazki-collagea
Zigarro-mutxikinak – Eskala ertaina (Fagends – Medium Scale), 1967
Iruzkinak
Ezpainetako erraldoia (Giant Lipstick)
- Izenburua:
- Ezpainetako erraldoia (Giant Lipstick)
- Erakusketa:
- Claes Oldenburg: hirurogeiko hamarkada
- Gaiak:
- Generoa eta sexualitatea | Artea eta umorea | Sorkuntza artistikoa | Vietnamgo gerra | Indarkeria
- Teknikak:
- Marrazkia
- Artelan motak:
- Eskultura | Kokapen zehatzerako artea
- Aipatutako artistak:
- Oldenburg, Claes
Aurrean dituzun marrazki kontzeptual hauek 1969an egin zituen. Oldenburg-en ideiak aurkezteko erabili ziren, Yale Unibertsitatean eskultura publiko mugikorra jartzeko. Unibertsitateko arkitekturako ikasleek bultzatu zuten ekimen hori, campusean eskultura gutxi baitzegoen.
1969 urte giltzarria izan zen. Estatu Batuen parte-hartzea Vietnamgo gatazka mikatzean kinka larrienean zegoen. Lehenbiziko urtea zen, era berean, Yalek emakumezkoak onartu zituena. Genero-politika puri-purian zegoen, eta ikasleek gerragintzaren izaera “falikoa”ri eraso nahi zioten. Oldenburgen erantzuna izan zen armatzar baten ideia bera zulatu eta hondatzea. Bere eskultura tankeen zatiekin egina egongo zen, baina horren gainean, ikur femenino bat, zutik: ezpain-barra bat.
Ondotik igarotzen zenak ezpain-barra putz zezakeen edo haizea ken ziezaiokeen. Beraz, artelan interaktiboa zen. Ezpain-barrak, hemen tentetzen eta lasaitzen ikusten ditugularik, gizonezkoen sexualitateari eta matxismoari egindako eraso burlatia dira; baita gerraren kontra ere.
Artistak Yalen jarritako eskultura aldi baterako kendu zuen, kaltetu egin baitzuten. Egun, berregin dute, altzairuz eta beira-zuntzez, eta gerraren aurkako deklarazio indartsua da. Tanke baten forma hartzen du, goialdean ezpainetako laranja bizi-bizia duela. Ezpain-barraren laranjak “Laranja agentea” produktu toxikoarekin du zerikusia, Vietnamgo gerran modu eztabaidagarrian erabilitako toxina baten izena baita.