Helen Frankentalher: Araurik gabe margotzen
Helen Frankenthaler, Katedrala (Cathedral), 1982
Izarrei begira (Star Gazing), 1989
Anthony Caro, Eskaileretan gora (Ascending the Stairs), 1979–83
Iruzkinak
Helen Frankenthaler, Matisse mahaia (Matisse Table)
Patioa (Yard)
Londresko hiriguneko mapa (Heart of London Map), guztiak 1972koak
- Izenburua:
- Helen Frankenthaler, Matisse mahaia (Matisse Table)
Patioa (Yard)
Londresko hiriguneko mapa (Heart of London Map), guztiak 1972koak
- Erakusketa:
- Helen Frankentalher: Araurik gabe margotzen
- Gaiak:
- Artistak | Artistaren estudioa | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Espazioa | Konposizioa | Lan-prozesua | Materialtasuna | Londres | David Smith | Giza harremanak | Teknika eta materialak
- Mugimendu artistikoak:
- Espresionismo Abstraktua
- Artelan motak:
- Eskultura
- Aipatutako artistak:
- Frankenthaler, Helen
Frankenthalerrek zaletasun itzela zuen eskulturarekiko: esaten zuen hiru dimentsioko lanekiko begirada landu zuela, eta beti eduki nahi zituela inguruan. Bazen erakargarri gertatzen zitzaion zerbait eskulturaren materialtasunean, haren ukigarritasunean eta espazioarekiko interakzio dinamikoan. David Smith eta Anthony Caro eskultoreekin zuen adiskidetasun estuak behar estetiko bat ere asetzen zion.
1972ko udan, Carok bere estudioaren zati bat utzi zion Frankenthalerri, baita materialak (batzuk Smithek Bolton Landingen zituen erreserbetatik hartuak) eta bere lehengo laguntzaile bat ere. Londresko estudio hartan bi astez lanean, altzairuzko hamaika eskultura egin zituen Frankenthalerrek.
Artistak pintura bezalaxe jorratzen zuen eskulturagintza ere: hau da, intuizioz jokatuta. Carok gerora adierazi zuenez, bere gonbidatuak “lan egin zezakeela iruditzen zitzaionean lan egiten zuen” eta “nekatzen zenean gelditzen zen”. Era berean, adierazi zuen bazuela konfiantzarik bere intuizioan —bere “ikusmoldean”—, eta, ondorioz, “freskotasun harrigarria” zeriola obrari.
Matisse mahaia, Patioa eta Londresko hiriguneko mapa eskulturak, hirurak ere atal honetan ikusgai, piezaz pieza joan ziren forma hartzen, soldaduraz soldadura. Matisse mahaiak gainazal inklinatua, abaniko-formak eta natura hilaren elementuak ageri ditu, eta argi eta garbi iradokitzen du hura egiteko erabilitako inspirazio-iturri historikoa: Matisseren Barrualde gorri handia lana, zeinaren erreprodukzio bat baitzegoen Caroren estudioan. Patioa obraren eta David Smithen Arrano-zaintzailearen erretratua eskulturaren arteko harremana, bestalde, agerian geratzen da altzairuzko plantxetan, ertz horzdun eta mehatxagarri irten horiekin. Eta Londresko hiriguneko mapak ere Smithen lanera garamatza, Frankenthalerrek erabilitako elementu lineal eta olio-biltegi hondar horiekin; azken hori Carok eskuratu zuen Smith hil ondoren.
