Helen Frankentalher: Araurik gabe margotzen
Helen Frankenthaler, Santorini, 1965
Mark Rothko, Titulurik gabea, 1949
Morris Louis, Alef saila V (Serie Aleph V), 1960
Kenneth Noland, Helenen hautua (Helen’s Choice), 1977
Iruzkinak
David Smith, Arrano-zaintzailearen erretratua (Portrait of the Eagle’s Keeper), 1948–49Robert Motherwell, Iberia, 1958
- Izenburua:
- David Smith, Arrano-zaintzailearen erretratua (Portrait of the Eagle’s Keeper), 1948–49Robert Motherwell, Iberia, 1958
- Erakusketa:
- Helen Frankentalher: Araurik gabe margotzen
- Gaiak:
- Gizakia | Artistak | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Kolorea | Konposizioa | Sinbologia | Gizarte-kronika | Gerra Zibila (Espainia) | AEB | Europa | Giza harremanak
- Mugimendu artistikoak:
- Espresionismo Abstraktua
- Artelan motak:
- Eskultura | Pintura
- Aipatutako artistak:
- Frankenthaler, Helen | Motherwell, Robert | Smith, David
Adiskidetasuna da erakusketa honen ardatz nagusia, eta Frankenthalerren berrikuntzak testuinguruan jartzeko eta ezohiko modu batean ikusteko aukera ematen du: margolariak kontu handiz aukeratzen zituen bere lagun minak, eta arreta, abegia eta babesa eskaintzen zien bere gertuko lagunartean sartzeko zoria zutenei. David Smithek toki nabarmena zuen Frankenthalerren zirkulu sozialean, eta bien arteko harremana loratu egin zen Frankenthaler Motherwellekin ezkondu ondoren. Hemen ikusgai dagoen Arrano-zaintzailearen erretratua izeneko lana berrogeiko hamarkadaren amaieran sortu zuen Smithek, eta Frankenthalerren bilduma pertsonalean sartu zen lehenetariko bat izan zen.
1964an Frankenthaler/Motherwelldarren etxeko egongelaren argazki bat agertu zen Vogue aldizkarian; argazki horretan Smithen eskultura ageri da eskuinetan, eta, tximiniaren gaineko horman zintzilik, Rothkoren koadro bat, artistak Motherwelli oparitua. Rothkoren obraren albo banatan ageri dira, batetik, Frankenthalerren Mendiak eta itsasoa koadroa, eta, bestetik, Motherwellen Espainiako Errepublikarentzako elegia, 70. zk.
Hirurogeiko hamarkadaren hasieran, Smithen ospea atzerrira zabaldu zen, São Pauloko eta Veneziako arte-bienaletan parte hartu ondoren. Zoritxarrez, haren ibilbidea 1965ean eten zen, hil egin baitzen bere ibilgailua errepidetik ateratzean gertatutako istripu batean.
Atal honetan aurki dezakegu, era berean, Motherwellen 1958ko Iberia obra. Artistak urte hartan bertan Espainiara egindako lehen bisitan sortu zuen pintura-sail batekoa da. Espainiako Gerra Zibilak eta haren ondorio lazgarriek artistarengan eragin zuten inpresio ezabaezina islatzen du obra honek. Motherwellek sakon landu zuen koadroaren gainazala: pintzelkada beltz lodiz eginiko masa zeharka ezina da, pintura zurizko eremu txiki-txiki bat baino ez duena behean, ezkerreko ertzean: argi-atari bat, itxaropen-izpi bat iluntasun zapaltzailearen erdian.