Helen Frankentalher: Araurik gabe margotzen
David Smith, Arrano-zaintzailearen erretratua (Portrait of the Eagle’s Keeper), 1948–49
Robert Motherwell, Iberia, 1958
Helen Frankenthaler, Urdin mugikorra (Moveable Blue), 1973
Iruzkinak
Mark Rothko, Titulurik gabea, 1949Morris Louis, Alef saila V (Serie Aleph V), 1960Kenneth Noland, Helenen hautua (Helen’s Choice), 1977
- Izenburua:
- Mark Rothko, Titulurik gabea, 1949Morris Louis, Alef saila V (Serie Aleph V), 1960Kenneth Noland, Helenen hautua (Helen’s Choice), 1977
- Erakusketa:
- Helen Frankentalher: Araurik gabe margotzen
- Gaiak:
- Artistak | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Forma | Lan-prozesua | Lerroa | Sinbologia | AEB | Giza harremanak | Teknika eta materialak
- Mugimendu artistikoak:
- Espresionismo Abstraktua
- Artelan motak:
- Pintura
- Aipatutako artistak:
- Frankenthaler, Helen | Louis, Morris | Noland, Kenneth | Rothko, Mark
Helen Frankenthalerrentzat, Jackson Pollockek berrogeita hamarreko hamarkadan izaniko garrantzi bera izan zuen Mark Rothkok hirurogeiko hamarkadaren hasieran: artistarentzat, beste modu bateko irudi abstraktuen katalizatzaile izan ziren bi-biak.
1940ko hamarkadaren amaieran, Kolore Eremuen Pintura estilo bihurtu aurretik, Rothkoren mihiseek jada ageri zituzten kolore gardeneko eremu angeluzuzen zabalak eta paraleloan jarritako ingerada leunak. Ematen du espazioan flotatzen dutela haren formek. 1949ko Titulurik gabea Rothkoren pintura “multiforme” horietako bat da: haren formak isuri egiten dira, norabide askotara zuzendurik. Egileak Motherwelli oparitu zion, eta Frankenthalerrek eta Motherwellek toki nabarmenean zeukaten jarrita beren etxeko egongelan. Biek preziatzen zuten Rothkok geometria humanizatzeko zeukan modua.
Kenneth Nolandek eta Morris Louisek Frankenthalerren estudioan ikusi zuten 1952ko Mendiak eta itsasoa obra, artistak amaitu eta sei hilabetera, eta han ikusitakoak beste era batera margotzera adoretu zituen.
Era berean, Louis izan zen lehenetarikoa trementinatan disolbatutako erretxina akrilikoz egindako pintura erabiltzen; hau da, Magna izenarekin merkaturatzen zen margoa erabiltzen. Ederki erakusten du erabilera hori hemen ikusgai dagoen Alef saila V obrak.
Atal honek Kenneth Nolanden lan bat ere jasotzen du: Helenen hautua izenekoa. Nolanden 1977ko margolan berezi hori, Louisen koadroarekin batera, Frankenthalerren bilduma pertsonalaren parte da, zeina artista adiskideek eta maisu ohiek eginiko pinturaz, eskulturaz eta marrazkiz baitago osatuta.
