Helen Frankentalher: Araurik gabe margotzen
Anthony Caro, Eskaileretan gora (Ascending the Stairs), 1979–83
Helen Frankenthaler, Mailegatutako ametsa (Borrowed Dream); Zurrunbiloa (Maelstrom); Requiem, guztiak 1992koak
Cassis, 1995
Iruzkinak
Helen Frankenthaler, Yin Yang, 1990
Jano (Janus), 1990
- Izenburua:
- Helen Frankenthaler, Yin Yang, 1990
Jano (Janus), 1990
- Erakusketa:
- Helen Frankentalher: Araurik gabe margotzen
- Gaiak:
- Pertsonaia mitologikoak | Artistak | Eragin artistikoa | Ibilbide artistikoa | Sorkuntza artistikoa | Kolorea | Konposizioa | Sinbologia | AEB | Dualtasuna
- Mugimendu artistikoak:
- Espresionismo Abstraktua
- Artelan motak:
- Pintura
- Aipatutako artistak:
- Frankenthaler, Helen
1990 eta 1991ko udetan, Helen Frankenthalerrek eskola magistralak eman zituen Santa Feko Arte Ederren Institutuan, Mexiko Berrian. Biziki emankorrak izan ziren bi udaldiok.
Atal honetan ikusgai dauden bi mihiseak ageri dira garai horretan sortutako lanen artean: Yin Yang eta Jano. Lehenbizikoa Santa Fen izaniko egonaldian egina da; eta bigarrena, berriz, joan aurretik egina.
Yin Yang lanak Txinako filosofiako bi termino oso ezagun jasotzen ditu: yina eta yanga bi energia kontrajarri dira, baina osagarriak. Horietako bakoitza beharrezkoa da bestea existitzeko. Unibertsoan dagoen guztiaren dualtasuna irudikatzen dute: zuria eta beltza, eguna eta gaua, femeninotasuna eta maskulinotasuna.
Janok, ostera, erromatar jainko zaharrenetako bati egiten dio erreferentzia, “hastapenen jainkoa” izenaz ezagutzen denari, alegia. Jatorrien eta trantsizioen babesletzat hartzen zen Jano; gizakien zein animalien jardueren babesle zelakoan, laguntza eskatzen eta gorazarre egiten zitzaion; eta hari eskainiak ziren hilabete bakoitzeko lehen eguna eta urteko lehen hila; hau da, urtarrila. Kontrako norabideetarantz begiratzen duten bi aurpegirekin irudikatu ohi da Jano, hasiera eta amaiera sinbolizatzeko.
Bi mihiseak antzekoak dira formatuari dagokionez: kolorezko hondoa dute, eta zenbait geruza eta elementu gardenez osaturiko gainazala dute. Neba-arrebak bezala komunikatzen dira: biak dira aurkakoek bat egiten duten lekua, dela yin eta yangaren artean beti aldatzen den oreka, dela hasiera eta amaiera, Jano jainkoaren begiradapean.