David Hockney: 82 erretratu eta natura hil 1
Fruta jarleku baten gainean
Barry Humphries
Iruzkinak
Irving Blum
- Izenburua:
- Irving Blum
- Erakusketa:
- David Hockney: 82 erretratu eta natura hil 1
- Gaiak:
- Artea eta psikologia | Lan-prozesua | Erretratua eta autorretratua | Gizakia
- Teknikak:
- Marrazkia
- Artelan motak:
- Pintura
- Aipatutako artistak:
- Hockney, David
Irving Blumek zeregin garrantzitsua bete zuen Los Angelesko eszena artistiko garaikidearen eraketan. 1962an antolatu zuen erakusketa enblematiko hartan, Ferus Galerian Andy Warholen Campbell zopa-poteak jarrita, Pop Artearen aro berria iragarri zuen. Hemen, bere lagun minaren aurpegiera zolia jaso zuen Hockneyk: begirada tinkoa bekain ilunen azpian, sudur nabarmena eta ezpain-ertz eroriak.
Trebetasun handia du Hockneyk aurpegiak jasotzeko, urte luzez jardun eta artearen eta erretratuaren historia gogoz ikasi ondoren hartutakoa. Ia hogei urte direla ikerketa ospetsua egin zuen, eta argitara eman zuen Ezagutza sekretua izenez. Bertan iradoki zuenez, zenbait artistak, Caravaggiok eta Ingresek, esaterako, tramankulu optikoak erabili izango zuten laguntza gisa, euren erretratuak zehaztasun handiz eta azkar egitearren.
Lan bati edo bestelako osagai praktiko bati ekiten dionean ohi duen legez, asko ikasi zuen ikerketa hura eginda, eta uste dut aurpegiaren proportzioak ulertzeko duen trebetasun horrek eragina izango duela orain egiten duen lanean. Bestalde, lan hauen atzean hogei orduko prozesua dago, baina baita hirurogei urte margotzen, begiratzen eta marrazten hartutako eskarmentua ere. [Edith Devaney]