David Hockney: 82 erretratu eta natura hil 1
Irving Blum
Margaret Hockney
Iruzkinak
Barry Humphries
- Izenburua:
- Barry Humphries
- Erakusketa:
- David Hockney: 82 erretratu eta natura hil 1
- Gaiak:
- Artea eta psikologia | Erretratua eta autorretratua | Gizakia
- Artelan motak:
- Pintura
- Aipatutako artistak:
- Hockney, David
David Hockneyren helburua erretratu hauetan norbanakoa bada ere, pertsonaia ospetsuaren gainetik, ezin ukatu daiteke modelo hau, Barry Humphries, oso ezaguna dela komedia-aktore gisa jite bateko jendearen artean, bereziki irudikatzen dituen pertsonaia xelebreengatik, alegia, Edna Everage “andreagatik” eta Sir Les Pattersonengatik. Ez da hain ezaguna, ordea, Humphries bera paisajista amorratua eta aditua dela, margogintza deskribatzen duena “meditazio mota bat, munduaren kontenplazio zoriontsu” baten moduan.
Argi dago pozez zoratzen dagoela erretratu honetarako modelo izateaz.
Haren begirada margotzen ari zaion Daviden lekutik harago doa. Begietako distiran eta irribarrean ageri du izaera adimentsu eta dibertigarria. [Edith Devaney]
Traje nahitara deigarria aukeratu du Humphriesek: gerezi kolore biziko galtzak, gorbata zabala eta fedora kapelua, halamoduz jarrita. Erretratu taldeko pertsona bakarra da kapelua jantzi duena.
Margotzen duen bitartean Hockneyk inoiz hitz egiten ez badu ere, bi adiskideen arteko isilpeko trukaketa iradokitzen du koadro honek. Mimikarako berebiziko trebeziaren jabe, Humphriesek imitatu egiten du Hockneyk, batzuetan, ezker eskuaz piztu gabeko zigarro bati nola eusten dion, margotzen ari den bitartean.
Oso ziur naiz Davidek egin didan erretratua nahikoa fidela dela. Ez da erretratu gaiztoa; bera ez da halakoa. Ez da saiatzen bere modeloei mesede egiten, baina egia da bere margolanetan izaera bilatzen duela. Nire aburuz, artista garaikide guztiez bestelakoa da. [Barry Humphries, Hockneyrekin elkarrizketan, RA/BBC katean]