Haunted: egungo argazkigintza-bideoa-performancea
Gillian Wearing
Sally Mann
Atalak
Tracey Moffatt
- Izenburua:
- Tracey Moffatt
- Erakusketa:
- Haunted: egungo argazkigintza-bideoa-performancea
- Gaiak:
- Giza harremanak | Artea eta denbora | Artea eta psikologia | Artea eta emozioa | Sorkuntza artistikoa | Memoria | Indarkeria
- Artelan motak:
- Argazkia
- Aipatutako artistak:
- Moffatt, Tracy
Bizi guztirako arrastoa artelanak bederatzi irudi biltzen ditu; horietan haurrak eta nerabeak, aborigenak nahiz zuriak, irudikatu zituen Moffatt-ek bere jaioterri den Australiako aldirietan. Irudi bakoitzak gurasoek edo anai-arreba nagusiek sortutako trauma desberdinak —irainak eta indarkeria fisikoa— jasotzen ditu. Irudikatutako pertsonak artistak berak aukeratutako eta itxuraldatutako aktoreak dira, baina Moffatek dokumental-kutsua ematen die, 1960ko hamarkadako Life aldizkariko orrialdeen antzera. Taxutze horrek ez du, berariaz, adierazkortasunik eta kazetaritzako moldea du; gainera, guztiz intimoa eta sarritan mingarria den gai nagusiaren oso bestelakoa da. Era berean, irudiok itxura informala dute, bat-batean atera izan balitu bezala, eta iraganeko denbora-tarte luze baten (1956tik 1977ra) berri ematen dutela zabaltzen dute. Amaiera irekia duten kontakizun labur eta anbiguoen antzera, Bizi guztirako arrastoak oroimenaren izaera zatikatua iradokitzen du, baita, tituluan antzeman daitekeenez, haurtzaroko zauriek helduaroan gurekin dirautela ere.