Haunted: egungo argazkigintza-bideoa-performancea
Robert Rauschenberg
Sherrie Levine
Atalak
Bernd & Hilla Becher
- Izenburua:
- Bernd & Hilla Becher
- Erakusketa:
- Haunted: egungo argazkigintza-bideoa-performancea
- Gaiak:
- Artea eta industria | Artea eta espazioa | Artea eta emozioa | Arkitektura | Sorkuntza artistikoa | Argia | Lan-prozesua
- Mugimendu artistikoak:
- Arte Kontzeptuala | Minimalismoa
- Artelan motak:
- Argazkia
- Aipatutako artistak:
- Becher, Bernd | Becher, Hilla
1958an Bernd eta Hilla Becher industriako arkitekturaren hondarrei argazkiak ateratzen hasi ziren: labe garaiak, hozteko dorreak eta ikatza ustiatzeko, altzairua ekoizteko eta kareharria erauzteko funtsezkoak diren beste hainbat eraikin. Tipologia-arau hertsi batzuei jarraiki, antzeko irudiak lauki-sare batean taldekatzen zituzten. Serie izaera horrek eta industrian errotutako gaiek haien lana Minimalismoarekin lotzen dute; irudiak hutsalak eta ez-adierazkorrak izateak —aurrez aurre ateratzen zituzten objektuak, itzalik ematen ez zuen argipean—, Arte kontzeptualarekin lotzen dute, ordea. Hala ere, euren lana XX. mendearen hasierako argazkigintzarekin ere erlaziona daiteke irudiak produzitzeko zehaztasuna eta artisau-era dela eta; izan ere, lan egiteko modu horrek gailendu zituen haien garaikideen artean. Azkenik, argazkien estalitako malenkoniak argi adierazten du horietan agertzen diren eraikuntza kalamastrei omenaldia egiten dietela lanok.